އިޒްރޭލާއި ދެކޮޅަށް މުޒާހަރާ ކުރައްވަން ނަޝީދަށް ކެރިވަޑައި ނުގަންނަވާނެ ކަމަށް ވިދާޅުވެ އިސްލާމިކް މިނިސްޓަރ އަދި ޢަދާލަތު ޕާޓީގެ ޚާރިޖީ ގުޅުންތަކާއި ބެހޭ މުޝްތަޝާރު ޑރ މުޙައްމަދު ޝަހީމް ޢަލީ ޞަޢީދު ކުރީގެ ރައީސް ނަޝީދަށް ވަރަށް ބޮޑަށް ފާޑު ވިދާޅުވެއްޖެއެވެ.
ހާލުގައި ޖެހިފައިވާ ފަލަސްތީނު ރައްޔިތުންނަށް އެހީތެރި ވުމަށް އަދާލަތު ޕާޓީން ހުޅުވި ފަންޑު ފޮއްޓާމެދު ސަމާލު ވުމަށާއި، އަދާލަތު ޕާޓީން އިސްވެ އޮވެ އުފެއްދެވި މިސްކިތު ފަންޑުގެ ތަފްސީލް ނެތި އިތުރު ފަންޑަކަށް ފައިސާ ދެއްވުން ބުއްދިވެރި ނޫން ކަމަށް ކުރީގެ ރައީސް ނަޝީދު ދެއްކެވި ވާހަކަ ތަކަށް ރައްދު ދެއްވަމުން އިސްލާމިކް މިނިސްޓަރ ޑރ ޝަހީމް ވިދާޅުވީ، މިސްކިތު ފަންޑުގެ ތަފްސީލުތައް ރައްޔިތުންގެ މަޖިލީހުގެ މެމްބަރުންނަށް އަރުވާފައި ވާނެ ކަމަށާއި، މީޑިއާ ތަކާއި އިސްލާމިކް މިނިސްޓްރީން ޢާއްމު ކޮށް ނެރެމުން ގެންދާ މަޖައްލާގައިވެސް އެ ފަންޑުން ޚަރަދު ތައް ކޮށްފައިވާ ގޮތުގެ ތަފްޞީލުތައް ހާމަ ކޮށް ޢާއްމުކޮށް ޝާއިއު ކޮށްފައިވާ ކަމަށެވެ.
Miskiy fund ge thafseel, kharadhu kurevunu goy, kharadhu kuri rahthah, midhiya rayyithunge majilis ah fonuvin. Media aa ves hissaakuri.
— د.محمد شهيم علي سعيد (@Mohamedshaheem1) July 12, 2014
އެހެން ކަމުން ސިންގަޕޫރުގައި ހުންނަވައިގެން ދިވެހި ރައްޔިތުންނަށް އޮޅުވާލެއްވުމަށް ނަޝީދު ދެއްކެވި ވާހަކަ ތައް ކުށްވެރި ކުރައްވަމުން ޑރ ޝަހީމް ވިދާޅުވީ، ޔަހޫދީީންނާ ދެކޮޅަށް ރާއްޖޭގައި އެއްވެސް ހަރަކާތެއް ބޭއްވުމަކީ ނަޝީދަށް ތަހައްމަލު ކުރެއްވޭނެ ކަމެއް ނޫން ކަމަށާއި އެފަދަ ފޮޓޯ އެއް ވީޑިޔޯ އެއް ނުވަތަ މަންޒަރެއް ބޭރުގެ މީޑިޔާ އަކުން ފެނިދާނެތީ އެކަން ކުރައްވަން ނަޝީދަށް ކެރިވަޑައި ނުގަންނަވާނެ ކަމަށެވެ.
Yahoodheena dhekolhah raajjeyga evves bayaku harakaaytherivumaki nasheed ah thahammul kureveyne kameh noon.
— د.محمد شهيم علي سعيد (@Mohamedshaheem1) July 12, 2014
ޑރ ޝަހީމް މިއަދު ކުރެއްވި ބައެއް ޓްވީޓްތައް
Nasheed ge hageegay http://t.co/pBvEkpoz7I pic.twitter.com/cWAsv1544x
— د.محمد شهيم علي سعيد (@Mohamedshaheem1) July 12, 2014
އެހެން ކަމުން އިޒްރާއީލުގެ އަނިޔާވެރި ހަމަލާތައް ކުށްވެރިކޮށް، ފަލަސްތީނާއެކު ދިވެހިން ތިބިކަން ދެއްކުމަށް ހިނގާލުމެއް ބޭއްވުމަށް ނަޝީދު އިސްކޮށް ހުންނަވާ އެމްޑީޕީން އެކަން ފާސް ކުރެއްވުމަށް ފަހު ހީލަތެއް ހައްދަވައިގެން އެކަމުގައި ބައިވެރިވެ ވަޑައިނުގެން މިހާރުވެސް ނަޝީދު ސިންގަޕޫރަށް ވަޑައިގެންފައިވާ ކަމަށް ޑރ ޝަހީމް ވިދާޅުެފައި ވެއެވެ.
Ihuthijaaj kuran faaskoffa, eyga bayveri nuvaan vegen heelatheh hadhavaygen R. Nasheed singapore ah vadaygennevi.
— د.محمد شهيم علي سعيد (@Mohamedshaheem1) July 12, 2014
އިޒްރޭލާއި އެކު ނަޝީދުގެ ސަރުކާރުން ބޭއްވި ގާތް ގުޅުން ތައް ދައްކުވައިދޭ ގޮތަށް އިޒްރޭލު ސަރުކާރުން ހާމަ ކޮށްފައިވާ ބައެއް ވާހަތައް ޑރ ޝަހީމް ވަނީ ޙިއްޞާ ކުރައްވާފަ.
Nasheed sarukaaru ge hageegay israil ge dhulun http://t.co/AReszUYxFv
— د.محمد شهيم علي سعيد (@Mohamedshaheem1) July 12, 2014
އިޒްރޭލުން ފަލަސްޠީނުގެ ރައްޔިތުންނާ ދެކޮޅަށް ހިންގާ ޖަރީތަކާއި ގުޅިގެން ފަލަސްޠީނު ރައްޔިތުންނަށް އެހީވުމަށް ޢަދާލަތު ޕާޓީން ހުޅުވި ފަންޑަށް ފައިސާ ނުދިނުމަށް ނަޝީދު ގޮވާލައްވާފައި ވާއިރު، ނަޝީދުގެ ސަރުކާރުން މީގެ ކުރިން ވަނީ ޔަހޫދީންނާއި ގާތް ގުޅުން ތަކެއް ބާއްވަވައި އިޒްރޭލުގެ އެކި އެކި ވަފުދު ތަކާއި ޓީމު ތައް ރާއްޖެ ގެންނަވައި ދިވެހި ދައުލަތުގެ އިސް މަޤާމު ތަކުގައި ތިއްބެވި ފަރާތްތައް އިޒްރޭލަށް ފޮނުއްވަވައިގެން ތަފާތު ގުޅުންތައް ބަދަހި ކުރައްވާފައެވެ.
http://t.co/AReszUYxFv pic.twitter.com/K3M0zKqR02
— د.محمد شهيم علي سعيد (@Mohamedshaheem1) July 12, 2014
އެގޮތުން ދިވެހިންނަށް ލޮލުގެ ފަރުވާ ދިނުމަށް އިޒްރޭލުން ލޮލުގެ ޑޮކްޓަރުން ތަކެއް ރާއްޖެ ގެނައުމާއި، ދިވެހިންނަށް ދަނޑުވެރިކަން ދަސްކޮށްދޭން އިޒްރޭލުން ދަނޑުވެރިން ގެނައުމާއި، ދިވެހި ރާއްޖޭގެ ޚާރިޖީ ވަޒީރު ސިއްރިއްޔާތުގައި އިޒްރޭލަށް ފޮނުވުމާއި، މިނޫނަސް ދައުލަތުގެ އިސް މަޤާމު ތަކުގައި ތިއްބެވި ބޭފުޅުން އިޒްރޭލުގެ ވަފުދު ތަކާއި ބައްދަލު ކޮށް ގުޅުން ބަދަހި ކުރުމަށް ކުރި މަސައްކަތް ފާހަގަ ކޮށްލެވެއެވެ.
މީގެ އިތުރުން ނަޝީދުގެ ވެރިކަމުގައި ފަލަސްޠީނުން އދގެ މެންބަރު ޤައުމަކަށް ވުމަށް ކުރަމުން ގެންދިޔަ މަސައްކަތަށް ހުރަސް އަޅުއްވައި އެކަމުގައި ފަލަސްޠީނާއި އެއްކޮޅަށް ވޯޓު ނުދިން މައްސަލަ ފާހަގަ
ކޮށްލެވެއެވެ.
http://t.co/GOXCkZZGfA pic.twitter.com/SPLvuZtMTd
— د.محمد شهيم علي سعيد (@Mohamedshaheem1) July 12, 2014
އޭރުގެ އިދިކޮޅު ފަރާތްތަކުން މިކަމަކީ ނަޝީދުގެ ރަޙުމަތްތެރި ޔަހޫދީންގެ އެދުކަމަކަށް އެމީހުންނަށް ދިން ހަދިޔާ އެއް ކަމަށް ސިފަ ކޮށްފައި ވާއިރު، އޭރު ނަޝީދު ވިދާޅުވީ، ފަލަސްތީނުގެ ވޯޓުގައި ރާއްޖެ އަށް ބައިވެރިނުވެވުނީ ބަލަންވާ ވަރަށް ނުބެލުމުން ކަމަށެވެ.
އެގޮތުން އދ ގެ ޔުނެސްކޯގެ މެންބަރު ޤައުމަކަށް ފަލަސްޠީނު ހެދުމަށް ވޯޓު ނެގި ވަގުތު ޔުނެސްކޯގެ ބައްދަލުވުމަށް ރާއްޖެއިން ވަޑައިގެންނެވި ނަޝީދުގެ ސަރުކާރުގެ އެޑިއުކޭޝަން މިނިސްޓަރު ޝިފާ މުޙައްމަދު ވަނީ ވޯޓު ނަގަން އޮތް މާލަން ދޫކުރައްވާ އެނބުރި ރާއްޖެ ވަޑައިގެންފައެވެ.
އަދި އޭނާ އަށް ފަލަސްޠީނު ޔުނެސްކޯގެ މެންބަރު ޤައުމަކަށް ހައްދަވަން ދިވެހި ރާއްޖޭގެ ފަރާތުން ވޯޓު ނުދެއްވާ ދިވެހިރާއްޖެއަށް އެ ވޯޓުގައި ބައިވެރިވެ ވަޑައިނުގެންނެވުނީ މުހިންމު ކަމެއްގައި އެކަމަނާ އެނބުރި ރާއްޖެ ވަޑައިގަންނަވަން ޖެހުމުން ކަމަށް ނަޝީދުގެ ސަރުކާރުގެ ޕްރެސް ސެކްރެޓަރީ މުޙައްމަދު ޒުހައިރު އޭރު ވަނީ ވިދާޅުވެފަ އެވެ.
އެހެން ފަލަސްޠީނަކީ މިނިވަން ދައުލަތަކަށް ހެދުމަށް ޣައިރު މުސްލިމު ޤައުމު ތަކާއި ޢަރަބި އިސްލާމީ ޤައމު ތަކުން ބުރަ މަސައްކަތް ތަކެއް ކޮށް އެންމެ ފަހު ވަގުތު ވޯޓާއި ހަމައަށް އައި ވަގުތު ކުއްލި ގޮތަކަށް ސައްތައިން ސައްތަ މި ދިވެހި ރާއްޖޭގެ މަންދޫބު ވޯޓު ނަގާ މާލަމުން ގެއްލުމުން މުޅި ދުނިޔެ އަށް ސިހުން ގެނުވި ނަމަވެސް އޭރުގެ އެޑިޔުކޭޝަން މިނިސްޓަރު އަދި ރާއްޖޭގެ ވަފުދުގެ ވެރިޔާ ޝިފާ މުޙައްމަދު ރާއްޖެ ވަޑައިގަންނަވަން ޖެހުނު ކުއްލި ގޮތާއި މުހިންމު ބޭނުންފުޅު ނަޝީދުގެ ސަރުކާރު ވެއްޓުމާއި ހަމައަށް ވެސް ދިވެހިންނަށް އޮތީ ސިއްރު ވެފައެވެ. އެކަން އަދިވެސް އޮތީ އެންމެން ދަންނަ ބޮޑު ސިއްރެއްގެ ގޮތުގައެވެ.
ކޮމެންޓް (0)
ލޯޑް ކުރަމުން...