އުއްމީދު ކަނޑާނުލާށެވެ.

ޢިމާރާތުގެ 10 ފަންގިފިލާއިން އަހަރެން ފުންމާލިއިރު އަހަރެންގެ މުޅިހަޔާތްވަނީ ހިތާމަޔާއި ހިތްދަތިކަމުން ފުރިފައެވެ. ޙައްލު ކުރާނެ މަގެއްނެތި ހަމައެކަނި އަހަންނަށް ފެނުނު މަގަކީ އަމިއްލެއަށް މަރުވުމެވެ. ފުންމާލާނީ ބާއޭ ނުފުންނާމީބާވައޭ ހިތަށް އަރަމުން އެންމެފަހުން ހަމަ ފުންމާލީމެވެ.

ޢިމާރާތުގެ ނުވަ ވަނަ ފަންގިފިލާޔާ ހަމައަށް އައިއިރު އަހަ ކަމަކުދާކަށް ނެތެވެ. އެދެމީހުންގެ ލޯބީގެ ވާހަކަޔާއި ހަމަޖެހޭ ދިރިއުޅުމުގެ ވާހަކައިން މިސާލުޖަހާލެވޭ ދެމަފިރިން ޒުވާބުކޮށް ގަޔަށް އަތްލަނީއެވެ. ހަޤީގަތުގައި މީ އުފަލުގައި އުޅުނު ބައެއްނޫންތާއެވެ.

އަށް ވަނަ ފަންގިފިލާޔާ ހަމައަށް އައިއިރު އެޢިމާރުގައި އެންމެ ސަކަރާތްޖަހާ މަޖާކޮށް އެހެންމީހުން ހުނުމަށް މަޖުބޫރުވާފަދަ ކަންތައްތައްކުރާ ޒުވާނާ އޭނދަފެންނަނީ އެކަނި އިނދެ ރޯތަނެވެ.

ވެއްޓެމުން އައިސް ހަތް ފަންގިފިލާ. އަހަރެމެންގެ ޢިމާރާތުގައި އުޅޭ އެންމެ ބުރުސޫރަތީ އެންމެ ފިޓްކޮށްއުޅޭ މީހާ މިފެންނަނީ މުޅިން އެހެންގޮތަކަށެވެ. އެކަނީ ހާދަހާވާ ގިނަބޭހެކެވެ. ދިރިވެސް އެހުންނަނީ ބޭހުގެ އެހީގައެވެ. އެފަކީރު ހަމައެހާ ބަލީހެއްޔެވެ؟

ހަ ވަނަ ފަންގިފިލާޔާ ހަމަޔަށް އާދެވުނުއިރު ފެންނަނީ އެޢިމާރާތުގައި އުޅޭ އިންޖީނިޔަރިން ހަދާފަހުރި އެކުވެރިޔާއެވެ. މީގެ ފަސް އަހަރުކުރިން ކިޔެވުން ނިންމާލިގޮތަށް ވަޒީފައެއްލިބޭތޯ އެދުވަހުންފެށިގެން ކޮންމެދުވަހަކުވެސް ހުސް ވަޒީފައެއްއޮތްތޯ ނޫސްކިޔަނީއެވެ.

ފަސް ވަނަ ފަންގިފިލާޔާ ހަމަޔަށްއައިރު ފެނުނީ އަހަރެމެންގެ އަވަށްޓެރި މުސްކުޅިޔާއެވެ. ނިކަމެތި މުސްކުޅިޔާ އަބަދުމެ ހުންނަނީ އޭނާގެ ދަރިން އޭނާގެ ޙާލުބަލަންއަންނާނީ ކޮންއިރަކުންތޯ ބަލާލަބަލާލައެވެ. ނަމަވެސް ދުވަހަކުވެސް އެއިންއެކަކުވެސް އެގޭގެ ދޮރުގައި ޓަކިވެސް ޖަހައިނުލައެވެ. އެމުސްކުޅިޔާ އެފެންނަނީ ކިހާ ނުތަނަވަސް ކޮށްހެއްޔެވެ.

ހަތަރު ވަނަ ފަންގިފިލާއިން ފެނުނީ ރީތިކަމާއި ހިތްހެޔޮކަމުގެ މިސާލުޖަހާލެވޭ އަވަށްޓެރިޔާއެވެ. އެކަނބުލޭގެ ގެ ފިރިމީހާ މަރުވިތާ މިހާރު ތިން އަހަރެވެ. އެންމެންވެސް ހީކުރަނީ އޭނަގެ ހިތާމަތަށް ފިލައިހިނގައިދާނެކަމަށެވެ. އެކަމަކު މިހާރުވެސް އެކަނބުލޭގެ އެއިނީ މަރުވި ފިރިމީހާގެ ހަނދާނުގައި ފޮޓޯހިފައިގެން ރޯށެވެ.

ޢިމާރާތުގެ 10 ވަނަ ފަންގިފިލާއިން ފުންމާލުމުގެ ކުރިން އަހަރެން ހީކުރީ މިދުނިޔޭގައިހުރި އެންމެ ހިތްދަތި އެންމެ ހިތާމަވެރި މީހަކީ އަހަރެންކަމުގައެވެ.

މިދުނިޔޭގައި އުޅޭ ކޮންމެމީހަކުވެސް އުޅެނީ ހަމަ ތަފާތު މައްސަލަތަކެއްގައި ފިކުރު ކުރުމުގައެވެ. މިކަން އަދި މިއެނގުނީ މިހާރުއެވެ. މިކަމުން އަހަންނަށް އެނގުނު ކަންތައްތަކަށް ބަލާއިރު އަހަންނަށް ދިމާވެފައިވާ ކަންތައްތަކަކީ އެހާ ބޮޑެތި ކަންތައްތަކެއްވެސް ނޫނެވެ.

ފުންމާލުމުން ވެއްޓިގެންއައި އިރު އަހަންނަށް ފެނުނު ހުރިހާ މީހުން ތިބީ މިހާރު އަހަރެންނާދިމާލަށް ބަލާށެވެ.

ތިބާއަށް ދިމާވެފައިވާ މުޞީބާތްތަކާއި އުނދަގޫތަކަށްވުރެ އެހެންމީހުން ތަހަންމަލުކުރާ ހިތްދަތިކަމާއި އުނދަގޫތައްމާބޮޑުކަމުގައި ވިސްނާނަމަ، ތިބާ އުޅޭނީ ކިހާ އުފައެއްގައި ހެއްޔެވެ. އަދި ހެއްދެވިފަރާތަށް ކިހާ ޝުކުރެއް އަދާ ކުރާނެ ހެއްޔެވެ.

އޭ! ރަޙުމަތްތެރީންނެވެ. މިދުނުޔެއަކީ ފަނާވެދަނިވި ތަނެއްކަމުގައިވިޔަސް އެއްގޮތަކަށްވެސް މާޔޫސްނުވާށެވެ. މިދުނިޔޭގައިވާހުރިހާ އެއްޗެއްގެ އަގުވެސް ﷲ ގެ ޙަޟުރަތުގައި މަދިރީގެ ފިޔައެއްގެ ވަރުވެސްނުވެއެވެ.
އަދި ދަންނާށެވެ. މާތްﷲ ވޮޑިގެންވަނީ ކެތްތެރީންނާއެކުގައެވެ.