ކިންދާގެ ރަސްގެފާނު ޢަމްރު ބުނު ޙަޖަރު، އުއްމު އިޔާސް ބިންތު ޢަޥްފު ބުން މުޙައްލިމު އައްޝައިބާނީ އާ ކައިވެނި ބައްލަވައިގަތެވެ. އަދި ރޭކުރުމުގެ ވަގުތު އައުމުން، އެކަނބުލޭގެ މަންމާފުޅު ނަޞޭހަތް ދެއްވަމުން ވިދާޅުވިއެވެ.
- ތިބާ ފުދުންތެރިއަކަށްވާށެވެ! (ފިރިމީހާ ދޭ މިންވަރުން ހިތްހަމަޖައްސާލާ މީހަކަށްވާށެވެ.)
- ރިވެތިގޮތުގައި ފިރިމީހާގެ ބަސްއަޑު އަހައި ކިޔަމަންތެރިވާށެވެ!
- ފިރިމީހާ ނުރުހޭ ކަންކަމާއި ނުރުހޭ ވަސްތައް ފާހަގަކޮށް ދަނެގަންނާށެވެ! ދަރިފުޅުގެ ކިބައިން ފިރިމީހާ ނުރުހޭ ކަމެއް ފެނުނަ ނުދޭށެވެ. އަދި ދަރިފުޅުގެ ހަށިގަނޑުން އެންމެމީރުވަސް މެނުވީ ދުވިޔަ ނުދޭށެވެ!
- ފިރިމީހާ ނިދާ ގަޑިތަކާއި ކާގަޑިތައް ފާހަގަކޮށް ދަނެގަންނާށެވެ! ފަހެ ކަށަވަރުންވެސް ބަނޑުހައިވުމަކީ ރުޅިއައުމުގެސަބަބެކެވެ. އަދި ނިދި ހަމައަށް ނުލިބުމަކީވެސް ރުޅިއައުމުގެ ސަބަބެކެވެ.
- ފިރިމީހާގެ މުދަލަށް ރައްކާތެރިވާށެވެ! އަދި ފިރިމީހާގެ ބެލުމުގެ ދަށުގައިވާ މީހުންނަށާއި ޚާދިމުންނަށާއި ޢާއިލާގެ މީހުންނަށް ހެޔޮކޮށްހިތައި އަޅައިލާށެވެ!
- ފިރިމީހާގެ އަމުރަކަށް ނުކިޔަމަންތެރިނުވާށެވެ! ނުކިޔަމަންތެރިވެއްޖެނަމަ ދަރިފުޅުދެކެ ފިރިމީހާ ރުޅިއަންނާނެއެވެ.
- އަދި ފިރިމީހާގެ ސިއްރެއް ފަޅާއަރުވާނުލާށެވެ! ސިއްރެއް ފަޅާއަރުވާލައިފިނަމަ ދަރިފުޅު ޣައްދާރުނުވާނެ ކަމަކަށް އޭނާ އުއްމީދެއް ނުކުރާނެއެވެ.
- އަދި ފިރިމީހާ ނުތަނަވަސްވެ ކަންބޮޑުވެފައިވާނަމަ އޭނާގެ ކުރިމަތީގައި އުފާނުކުރާށެވެ! އަދި ފިރިމީހަ އުފާވެފައިވާނަމަ އޭނާގެ ކުރިމަތީގައި ހިތާމަޔާއި މޮޅިވެރިކަން ނުދައްކާށެވެ!
(ސައްޔިދުއްސާބިޤު ލިޔުއްވާފައިވާ ފިޤުހުއްސުންނާ 2ވަނަބައިގެ 151 ވަނަ ޞަފްޙާއިން)
ޚިޔާލު