އިސްރާއީލުން ޣައްޒާގެ 100 އަށް ވުރެ ގިނަ ތަންތަނަށް އަމާޒުކޮށް ޙަމަލާދީފި

އިސްރާއިލުން ޣައްޒާގެ 100 އަށްވުރެ ގިނަ ތަންތަނަށް އަމާޒުކޮށް ހަމަލާދީފިއެވެ.

އިސްރާއީލުގެ ބޮމުގެ ޙަމަލާތަކުގައި އިއްޔެ ޣައްޒާގެ އެކި ސަރަޙައްދުތަކުގައި މަދުވެގެން 38 ފަލަސްޠީނު ރައްޔިތުން ޝަހީދުވެފައިވެއެވެ. މިއީ އިސްރާއީލުގެ ބޮޑުވަޒީރު ބެންޖަމިން ނެތަންޔާހޫ ހަމަލާތައް ހުއްޓުމަކަށް ގެނައުމުގެ މަޝްވަރާތަކެއް ކުރުމަށް ވޮޝިންގޓަނަށް ދަތުރުކުރަން ތައްޔާރުވަމުންދާ ވަގުތެއްގައި ދީފައިވާ ޙަމަލާތަކެކެވެ.

ޣައްޒާގެ ހޮސްޕިޓަލްތަކުން މަޢުލޫމާތު ދޭގޮތުގައި ޣައްޒާ ސިޓީގައި ދިރިއުޅޭ ސަރަޙައްދުތަކަށް ދިން ދެ ޙަމަލާއެއްގައި 20 މީހުން ޝަހީދުވެ، 25 މީހުން ޒަޚަމްވެފައިވެއެވެ. އަދި ޣައްޒާގެ ދެކުނު ސަރަޙައްދު މުވާސީގައި ރޭގަނޑު ދިން ޙަމަލާތަކުގައި ދެ ޢާއިލާއަކަށް ނިސްބަތްވާ 18 މީހުން ޝަހީދުވެފައިވާކަމަށް ނާސަރު ހޮސްޕިޓަލުގެ މެޑިކަލް ޓީމުތަކުން ބުނެފައިވެއެވެ.

އިސްރާއީލުގެ ސިފައިން ބުނާގޮތުގައި ޣައްޒާގެ އެކި ސަރަޙައްދުތަކުގައި ހުރި 130 ތަނަކަށް ޙަމަލާދީފައިވެއެވެ. މީގެ ތެރޭގައި ޙަމާސްގެ ކޮމާންޑް ސެންޓަރުތަކާއި، ހަތިޔާރު ރައްކާކުރާ ތަންތަނާއި، ރޮކެޓް ދޫކުރާ ތަންތަން ހިމެނޭކަމަށް އެ ފަރާތުން ބުނެފައިވެއެވެ.

މި ޙަމަލާތައް އައިސްފައިވަނީ އެމެރިކާގެ ރައީސް ޖޯ ބައިޑެން 60 ދުވަހަށް ހަމަލާތައް ހުއްޓުމަކަށް ހުށަހަޅާފައިވާ ޕްލޭނެއް ކުރިއަށް ގެންދަމުންދާ ވަގުތެއްގައެވެ. މި ޕްލޭންގެ ދަށުން ޙަމާސްގެ ބެލުމުގެ ދަށުގައި ތިބި އިސްރާއީލުގެ ޢަޞީރުން ދޫކޮށްލުމާއި، ޣައްޒާއަށް އިންސާނީ އެހީ ފޯރުކޮށްދިނުން އިތުރުކުރުން ހިމެނެއެވެ.

މި ހަނގުރާމަ ފެށުނީ 2023 ވަނަ އަހަރުގެ އޮކްޓޯބަރު 7 ވަނަ ދުވަހު ޙަމާސްގެ ފައިޓަރުން އިސްރާއީލަށް ކުއްލި ޙަމަލާއެއް ދިނުމާ ގުޅިގެންނެވެ. އެ ޙަމަލާގައި އިސްރާއީލުގެ 1،200 މީހުން މަރުވެ، 251 މީހުން ބަންދުކުރެވުނެވެ. އޭގެ ފަހުން އިސްރާއީލުން ދިން ޙަމަލާތަކުގައި 57،000 އަށް ވުރެ ގިނަ ފަލަސްޠީނު ރައްޔިތުން ޝަހީދުވެފައިވެއެވެ.