ޕާކިސްތާނުގެ އިންތިހާބު ފަށައިފިއެވެ.
ޕާކިސްތާނުގެ އާންމު އިންތިހާބު ފަށާފައިވަނީ މިއަދު ހެނދުނުގެ ވަގުތެއްގައެވެ. ވޯޓު ދޭން ނުނިކުތުމަށް ތާލިބާނުން އިންޒާރުތައް ދެމުން ދަނިކޮށް ޕާކިސްތާނުގެ ތާރީހީ އާންމު އިންތިހާބުގައި ވޯޓުލުން ފަށާފައިވާއިރު ވޯޓް ފޮށިތަކުގެ ކައިރީގައި ހެނދުނު ހެނދުނާ މީހުންތައް ވަނީ ކިއޫތައް ހަދަން ފަށައިފައެވެ.
ޚަބަރުތައް ބުނާގޮތުގައި މިއިންތިހާބުގައި ގާނޫނު ހަދާ މަޖިލީހުގެ 342 މެންބަރުން ހޮވުމަށާއި ހަތަރު ޕްރޮވިންސެއްގެ މަޖިލީހަށް މެންބަރުން ހޮވުން އޮންނާނެއެވެ.
އިންތިހާބުގައި އެންމެ ވާދަވެރި ކެނޑިޑޭޓުންނަކީ ޕާކިސްތާނުގެ ކުރީގެ ބޮޑުވަޒީރު ނަވާޒް ޝަރީފް އާއި މަޝްހޫރު ކްރިކެޓް ކުޅުންތެރިޔާ އިމްރާން ހާން އެވެ.
ޕާކިސްތާނުގެ އާންމު އިންތިހާބާއި ދިމާކޮށް ތާލިބާނުންވަނީ ވޯޓްލާން މީހުން ނުނުކުތުމަށް ގޮވާލާފައެވެ. އަދި އިންތިހާބަށް ހުރަސް އެޅުމަށް ކުރެވެން ހުރި ހުރިހާ ކަމެއް ކުރާނެ ތާލިބާނުންވަނީ ބުނެފައެވެ.
ކޮމެންޓް (0)
ލޯޑް ކުރަމުން...