ޗައިނާގެ ޝަންހާއީގެ "ހުއާންގްޕޫ ރިވާ" ނަމަކަށް ކިޔާ ކޯރުން މަރުވެފައިވާއޫރު ގިނަ އަދަދަކަށް ފެންނަމުން އެބަދެއެވެ.
ޝަންހާއީގެ އެންމެ ބޮޑު ކޯރު ކަމަށް ވާ މި ކޯރުން މާރޗް 7 ވަނަ ދުވަހު ވަނީ 50 ވަރަކަށް އޫރު ފެނިފައެވެ. ނަމަވެސް މި އަދަދު 10 ވަނަ ދުވަހާއި ހަމައަށް 1000 އަށް ވުރެ މައްޗައް އަރާފައިވާއިރު މިއަދާއި ހަމައަށް 8000 އަށްވުރެ ގިނަ އޫރު ވަނީ ފެނިވައެވެ.
ޗައިނާގެ ކަމާއިބެހޭ ފަރާތްތަކުން ހާމަކުރާގޮތުގައި މިހާތަނަށް ކުރި ދިރާސާތަކުން ކޯރުގެ ފެނުގައި "އީ-ކޯލީ ނުވަތަ ހޭންޑް ފުޓް އެންޑް މައުތް ޑިޒީޒް އަދި ހޯގް ކޮލެރާ" ފަދަ އިންސާނުންނަށް ގެއްލުންލިބޭފަދަ އެއްވެސް ވައިރަސްއެއް ފެނިފައިނުވާކަމަށެވެ.
ތަހްލީލްތަކުން ދައްކާގޮތުގައި" ޕޯކައިން ސާރކޮވައިރަސް" ނަމަކަށް ކިޔާ އޫރަށް ބަލިޖައްސާ ޒާތުގެ ވައިރަސްއެއްވަނީ ފެނިފައެވެ. ނަމަވެސް މިއީ އިންސާނުންނަށް އެއްވެސް ގެއްލުމެއް ލިބޭ ވައިރަސް އެއް ނޫން ކަމަށާއި މިކަމާއި ގުޅިގެން އެއްވެސް ބަލިމަޑުކަމެއް ފެތުރިދާނެކަމުގެ ބިރު އެއްވެސް ވަރަކަށް ނެތްކަމަށްއެފަރާތުން ހާމަ ކުރެއެވެ.
މި މައްސަލަ އިތުރަށް ތަހުޤީޤް ކުރަމުންދާއިރު "ހުއާންގްޕޫ ރިވާ" އަކީ ޝަންހާއީގައި ބުއިމަށްޓަކައިވެސް ފެން ބޭނުންކުރާ ކޯރަކަށްވާއިރު ކަމާބެހޭ ފަރާތްތަކުން ދަނީ މި ފެން ބޭނުންކުރުމުގައި އެއްވެސް މައްސަލައެއް ނެތްކަމަމަށް ހާމަކުރަމުންނެވެ.
ބޭރު ދުނިޔޭގައި މުހިންމު އެތައް ކަމެއް ހިނގައިދާއިރު ޝައިނާގެ ކޯރަކން އޫރު ފެނުނު ވާހަކަ މުހިންމުވި ސަބަބަކީ އެއީ އޫރުގެ ވާޙަކަ އަކަސްވެފާ އޫރާ އިސްލާމް ދީނާ ގުޅޭލެއް ބޮޑޫ ކަމުންބާ؟؟ އދ. ގައި އަންހެމުންގެ ހައްގު ތަކާ ބެހޭ މުހިންމު އެއްބަސްވުމެއް މުސްލިމު ގައުމުތަކާ މުސްލިމް ނޫން ގައުމު ތަކުން ބައިވެރިވެގެން އެހަކައް ދުވަހަކު އެއްބަސްވެއްޖެ.. މިއީ ދީނާ މާ ގުޅން ހުރި ހަބަރަކަށްވާނެ.. އަނެއްކޮޅުން އިނގިރޭސި ވިލާތުގައި މުސްލިމުން ކެއުމަށް ހުއްދަ ކަމަށް “ހަލާލް” ބޮޑުކޮށް ޖަހާ ވިއްކި އެތައް ބައިވަރު ކާއެއްޗެތީގާ އޫރުމަސް އެކުލެވޭކަން ސާބިތު ވެގެން އުޅުނު… މިހުންނަނީ ާ މުހިންމު ވާހަކައެއްނު….
އެމީހުން ކާއެއްޗެއް އެމީހުން ބޯ ފެނުގެ ތެރޭގައި ހުރުމަކީ ހަބަރެއްބާ؟
ތިއީ ވަރަށް ބޮޑު ތެދެއް، އެކަމަކު ޗައިނާގައިވެސް އެތައްމިލިއަން މުސްލިމުން އުޅޭ. އޭގެން ބަޔަކު މިކޯރުން ފެން ބޯންގެހިއްޖެއްޔާ ކިހާ ސަކަރާތްވާނެ
ހަސަނު ވެސް ތިކަހަލަ ހަބަރު ތައް ލިޔެފަ ފޮނުވާ……..