ސައުދީ އަރަބިއްޔާގެ ވަލީ އަހުދު ބިން އަބްދުލް އަޒީޒް އަވަހާރަވެއްޖެއެވެ.
ހަބަރު ފަތުރާ ވަސީލަތްތަކުން ހާމަކުރާގޮތުގައި އުމުރުފުޅުން 81 އެއް އަހަރުގެ ބިން ސައުދީގެ ވަލީ އަހުދު ބިން އަބްދުލް އަޒީޒް އަވަހާރަވީ ނިއުޔޯކް ހޮސްޕިޓަލެއްގައެވެ.
ވަލީ އަހުދު ބިން އަބްދުލް އަޒީޒް އަވަހާރަވެފައިމިވަނީ ގިނަ ދުވަސްތަކެއް އާލާސްކަންފުޅާ އުޅުއްވުމައްފަހުއެވެ. ރަސްމީ ސިފައެއްގައި ބިން އަބްދުލް އަޒީޒްގެ އަލާސްކަންފުޅަކީ ކޮބައިކަމެއް ހާމަކޮށްފައެއްނުވެއެވެ. އެހެންނަމަވެސް ދިރާސާ ކުރާ ފަރާތްތަކުން ހާމަކުރާގޮތުގައި ބިން އަބްދުލް އަޒީޒް އުޅުއްވަމުންގެންދެވީ ކެންސަރުގެ އާލާސްކަންފުޅުގައެވެ.
ބިން އަބްދުލް އަޒީޒް އަވަހާރަވި އިރު އެމަނިކުފާނު ހުންނެވީ ސައުދީގެ ޑިފެންސް މިނިސްޓަރު އަދި އެ ގައުމުގެ އޭވިއޭޝަން މިނިސްޓަރުގެ މަގާމުގައެވެ. ސުލްތާން އަވަހާރަވުމާ އެކު ވަލީ އަހުދުކަން ދެން ލިބިވަޑައިގަންނަވާނީ ބޮޑުވަޒީރުގެ ނައިބުކަން ކުރައްވަމުންއަންނަ ރަސްގެފާނުގެ ކޮއްކޯފުޅު، އުމުރުން 78 އަހަރުގެ ނާއިފް އަށެވެ. މީގެއިތުރުން ފާއިތުވި ދުވަސްތަކުގައިި ނާއިފުވެސް ވަނީ އާލާސްކަންފުޅަށް ފަރުވާ ހޯދައްވައިފިއެވެ.
ކޮމެންޓް (0)
ލޯޑް ކުރަމުން...