ޓިއުނީޝިއާއިން ކޮވިޑް-19 އާއި ގުޅިގެން 1،420 ޤައިދީއިން މިނިވަންކުރަނީ

ކޮވިޑް -19 އާއި ގުޅިގެން ޓިއުނީޝިއާގެ ޖަލުގައި ތިބި ޤައިދީއިންގެ ތެރެއިން 1،420 ޤައިދީއިން އެޤައުމުގެ ރައީސްގެ ޙާއްސަ ޢަފޫޢާންމުގެ ދަށުން ދޫކޮށްލުމަށް ނިންމަވާފައިވާކަމަށް ރިޕޯޓުތަކުން ބުނެފިއެވެ.

ޓިއުނީޝިއާގެ ޖަލުގައި ތިބި ޤައިދީއިންގެ ތެރެއިން ބަޔަކު ދޫކޮށްލުމަށް އެޤައުމުގެ ރައީސް ނިންމަވާފައިމިވަނީ ކޮވިޑް-19 ފެތުރެމުންމިދާ ދަނޑިވަޅުގައި އެވައިރަސް ފެތުރުމުގެ މިންވަރު މަދުކުރުމަށް ކަމަށް އެޤައުމުގެ ރައީސް ކައިސް ސަޢީދު ވަނީ ވިދާޅުވެފައެވެ. އަދި ކޮވިޑް-19 އާއި ގުޅިގެން މެޑިކަލް ޓީމްތަކަށް އެހީތެރިވެދިނުމާއި، ޖަލުތަށް ޑިސްއިންފެކްޓު ކުރުމުގެ މަސައްކަތްވެސް ކުރުމަށް ހަމަޖެހިފައިވާކަމަށް އޭނާ ވަނީ އިޢްލާނުކުރަށް ވާފައެވެ.

ކޮވިޑް-19 އާއި ގުޅިގެން ޤައިދީއިން ދޫކޮށްލުމަށް އެޤައުމުގެ ރައީސް މިނިންމެވީ މީގެ ދެހަފްތާ ކުރިން އެޤައުމުގެ މިނިވަން ދުވަހާއި ގުޅިގެން 1،800ޤައިދީއިން ދޫކޮށްލިތާ 2ހަފްތާ ފަހުންނެވެ.

ކޮވިޑް-19 ފެތުރިގެން ދިއުން ހުއްޓުވުމަށްޓަކައި އެޤައުމުގެ ސަރުކާރުން ވަނީ ހަރުކަށި ފިޔަވިޅުތަކެއް އެޅުމަށް ނިންމައި ފައެވެ. އެގޮތުން ރޭގަނޑުގެ 12ގަޑިއިރަށް ހަރުކަށި ކަމާއިއެކު ކަރފިއު ވަނީ އިޢްލާނު ކޮށްފައެވެ. އަދި ރިމޯޓުން ކޮންޓްރޯލް ކުރެވޭ ފުލުހުންގެ ވެހިކަލްތަށް މަގުތަށް ބަލަހައްޓަމުންދެއެވެ.