ޖޫން24 ވަނަ ދުވަހު ބޭއްވުމަށް ހަމަޖެހިފައިވާ ތުރުކީގެ ރިޔާސީ އިންތިހާބު ކާމިޔާބު ކުރެވިއްޖެނަމަ ތުރުކީގައި ތިބި ސޫރިޔާގެ ރެފިއުޖީން އަނބުރާ ޤައުމަށް ފޮނުވާލާނެކަމަށް ރައީސް އުރުދުޣާންއާ އެންމެގާތުން ވާދަކުރައްވާނެ ކަމަށް ބެލެވޭ އިދިކޮޅު ރިޔާސީ ކެންޑިޑޭޓް މުހައްރަމް އިންޝީ ވައުދުވެވަޑައި ގެންފިއެވެ.
މުހައްރަމް އިންޝީ މިކަމަށް ވައުދުވެވަޑައި ގެންނެވީ، ތުރުކީގެ އިޒްމީރް ސިޓީގެ ގުންޑޮގްޑް މައިދާނަށް އެއްވި އެތައްހާސް އާންމުންނާ މުޚާތަބު ކުރައްވާ ވާހަކަފުޅު ދައްކަވަމުންނެވެ.
ތުރުކީގެ މައި އިދިކޮޅު ޕާޓީ، ރިޕަބްލިކަން ޕީޕަލްސް ޕާޓީގެ ފަރާތުން ރިޔާސީ އިންތިހާބުގައި ވާދަކުރައްވާ މުހައްރަމް ގެންދަވަނީ ކެމްޕެއިންގައި އުރުދުޣާންއަށް ވަރަށް ބޮޑަށް ފާޑު ވިދާޅުވަމުންނެވެ. އެގޮތުން އުރުދުޣާންއަކީ އެކަނިވެރިވެފައިވާ ރައްޔިތުން ނިކަމެތި ކުރަމުންދާ ބޮޑާ ބޭފުޅެއް ކަމަށް މުހައްރަމްވަނީ ވިދާޅުވެފައެވެ.
ސޫރިޔާގެ ރެފިއުޖީން އަނބުރާ ޤައުމަށް ފޮނުވާލާނެކަމަށް އިންޝީ ވަޢުދުވެފައިވާއިރު ސޫރިޔާގެ އެންމެ ގިނަ ރައްޔިތުން ރެފިއުޖީންގެ ގޮތުގައި ދިރިއުޅެމުން ގެންދަނީ ތުރުކީގައެވެ.
ކޮމެންޓް (0)
ލޯޑް ކުރަމުން...