ޔަހޫދީ ޒަޔަނިސްޓު ލަޝްކަރުތަކުން ފަލަސްތީނުގެ ޣައްޒާއަށް ދެމުންގެންދާ އުދުވާންތަކުގައި ޝަހީދުވި މާބަނޑު މީހާގެ ބަނޑުން ނެގި ކުއްޖާ ނިޔާވެއްޖެ އެވެ.
އިމަޖެންސީ ސިޒޭރިއަންއެއް ހެދުމަށް ފަހު، ޝަހީދުވެފައިވާ މަންމަގެ ބަނޑުން ސަލާމަތްކުރި އެ ކުއްޖާ ނިޔާވެފައިވަނީ، އިންކިއުބޭޓަރެއްގެ އެހީގައި ފަސް ދުވަހު އޮތުމަށްފަހު އެ އިންކިއުބޭޓަރުގެ ކަރަންޓް ދިއުމުން ކަމަށް މީޑިއާ ރިޕޯރޓްތައް ބުނެއެވެ.
މީޑިއާ ރިޕޯރޓްތައް ހާމަކުރާ ގޮތުގައި އިންކިއުބޭޓަރުގެ ކަރަންޓް ކެޑިފައިވަނީ ޣައްޒާގެ ރައްޔިތުންނަށް ކަރަންޓު ދިނުމަށް ހުރި ހަމައެކަނި އިންޖީނުގެއަށް ހައްދުފަހަނަ އަޅާފައިވާ ޒަޔަނިސްޓް ލަޝްކަރުން ވައިގެ މަގުން ބޮން އަޅައި، އެތަން ހަލާކުކޮށްލުމުން އެކުއްޖާ އޮތް ހޮސްޕިޓަލަށް ކަރަންޓް ނުލިބިގެން ކަމަށެވެ.
ޔަހޫދީ ޒަޔަނިސްޓު ލަޝްކަރުތަކުން ޣައްޒާއަށް ދެމުންދާ އުދުވާންތަކުގައި ގިނަ އަދަދެއްގެ ކުޑަކުދިންނާއި އަންހެނުންވަނީ ޝަހީދުކޮށްލާފައެވެ.
ކޮމެންޓް (0)
ލޯޑް ކުރަމުން...