ބަރުމާގެ ރޮހިންގްޔާ ދަރިކޮޅުގެ މުސްލިމުންނާއި ދެކޮޅަށް އެޤައުމުގެ ސަލާމަތީ ބާރުންނާއި އަދި ހައްދުފަހަނައަޅާފައިވާ ބުދިސްޓުން ހިންގަމުން އަންނަ ލާއިންސާނީ ޖަރީމާތަށް ސައުދި ޢަރަބިޔާއިން ވަރަށް ހަރުކަށި އިބާރާތުން ކުށްވެރިކޮށްފިއެވެ.
ސަލާމް ގަނޑުވަރުގައި ބޭއްވުނު ސައުދީ ވަޒީރުންގެ މަޖިލީހުގައިވަނީ ބަރުމާގެ މައްސަލައަށް އަލިއަޅުވާލައި މަޝްވަރާތަކެއް ކޮށްފައެވެ. އެގޮތުން ބަރުމާގެ މުސްލިމުން މަރައި، އެރައްޔިތުންގެ އިންސާނީ ޙައްޤުތައް ނިގުޅައިގަނެ އެނިކަމެތި ރައްޔިތުން އެޤައުމުން ފައްސާލަން އެޤައުމުގެ ސަރުކާރުން ކުރަމުންދާ މަސައްކަތަކީ އެއީ މުޅި އިންސާނިއްޔާތާއި ޚިލާފް ޖަރީމާއެއްކަމުގައި ސައުދީ ސަރުކާރުގެ ވަޒީރުންގެ މަޖިލީހުގައި ސިފަކުރައްވާފައިވެއެވެ.
ދެޙަރަމުގެ ޚާދިމް ޢަބްދުﷲ ރަސްގެފާނު ރިޔާސަތު ބަލަހައްޓަވާފައިވާ މިމަޖިލީހުގައި ވަަނީ ބަރުމާގެ މުސްލިމުންނަށް އެހީވުމަށް ވަގުތުން ވަގުތަށް މަސައްކަތްކުރުމަށް ބައިނަލްއަޤްވާމީ މުޖްތަމަޢުއަށް ގޮވާލައްވާފައެވެ.
މިމަހު 14 އަދި 15 ވަނަ ދުވަހު މައްކާގައި ބޭއްވުމަށް ހަމަޖހިެފައިވާ މުސްލިމު ޤައުމުތަކުގެ ލީޑަރުންގެ ބައްދަލުވުމުގައި ސީރިޔާ މައްސަލައަށާއި އަދި ބަރުމާގެ މައްސަލައަށް ޙައްލުހޯދުމަށް މަޝްވަރާ ބައްދަލުވުންތަކެއް ބޭއްވޭނެކަމަށް ވަޒީރުންގެ މަޖިލީހުގައި ހާމަކުރައްވާފައިވާކަމަށް މުވާސަލާތީ ކަންތައްތަކާއި ބެހޭ ވަޒީރު ޑރ. ޚޮޖާ ވިދާޅުވިއެވެ.
advertisment
މުސްލިމުންކޮޅު މަރާ ހުސްރީމަތޯ ތިބޭފުނުންނަށް ރޭކާވެސްލަނީ. ނޫނީ ނުސްލިމުން މަރާ ހުސްވަންދެންތޯ ތިތިބެނީ އަޅާވެސްނުލާ. ޔާ ﷲ މުސްލިމުނަށް ހެޔޮވިސްނުން ދެށްވާށި! އަދި މުސްލިމުން އެއްބައިވަންތަ ކުރައްވާ ކާފަރުންތަށް ބަލިކުރައްވާށި! އާމީން!!!
ތި މަޝްވަރާތަކަށް ނިމުން އަންނައިރު އޮންނަނީ މުސްލިމުންތައް ހުސްވެފައި… ދެން ކުއްވެރިކޮށްގެން ތިބީމަ ނިމުނީތަ.. ހެޔޮނުވާނެ އާދޭސްކުރަން، އެބައިމީހުންނަށް އަނިޔާކުރާ ބުދިސްޓުންނާއި ހަނގުރާމަ އިޢުލާންކުރައްވާ… ޔާ ﷲ އަޅަމެންނަށް ހެޔޮވިސްނުން ދެއްވާށި..
ޔާﷲ އަޅަމެންނީ ހުސްއަގަތަޅާ ބައެއްކަމުގައި ނުލައްވާށި. އާމީން
އަދި ކިރިޔާތަ ސައުދީ އަށް އެނގުނީ
އަޅުގަނޑުމެން ޤަބޫލު ކުރަން ބޭނުން ނުވިޔަސް މިއީ ތެދެވެ !! “ސަޢުދީ ސަރުކާރަކީ އެމެރިކާގެ ގޮނޑިކޮއްކޮ ސަރުކާރެކެވެ !!”
މިހެން ދެންނެވުމުން އަޅުގަނޑާ ދިމާއަށް މިރޯދަ މަހުވެސް ހެއްދެވިއެއް ނުހެއްދެވިއެއް ގޮވާނެ މީހުން ތިބޭނެއެވެ.
އެހެނަސް މިއީ އިސްލާމީ އުއްމަތް ދަންނަން ވެއްޖެ ކަމެކެވެ!!
އިސްލާމީ ބާރުވެރި ޤައުމަކުން އެމީހުންގެ އަޚުންނަށް ކުރެވެމުންދާ އަނިޔާތަކާ މެދު ހަމައެކަނި ހަރުކަށި އިބާރާތަކުން ކުށްވެރިކޮށްލުމަކުން ފުދޭތޯއެވެ؟ ނޫނެކެވެ !! ﷲ ގަންދީ ބުނަމެވެ !! އެ އަޚުން އެވަނީ އަހަރުމެންގެ އެހީއަށް ބޭނުންވެފައެވެ !! އަހަރުމެން މެނުވީ އެމީހުންނަށް އެހީވާނީ ދެންފަހެ ކޮން ބައެއްތޯއެވެ ؟؟ ހަނދުމަކުރައްވާށެވެ !! ﷲ ތަޢާލާ މުއުމިނުން ސިފަ ކުރައްވާފައިވަނީ އަޚުންތަކެއްގެ ގޮތުންގައި ނޫންތޯއެވެ؟؟ ރަސޫލާ ޞައްލަﷲ ޢަލައިހި ވަސައްލަމް މުއުމިނުން ސިފަ ކުރައްވާފައިވަނީ އެއް ހަށިގަނޑެއްގެ މިސާލުން ނޫންތޯއެވެ ؟؟ އިސްލާމީ ޤައުމު ތަކުގައި ނިކަމެތި ކުރެވިފައިވާ، އަނިޔާ ލިބެމުންދާ އަޚުންނާާއި އުޚުތުންނާ މެދު އަހަރުމެންގެ ހިތުގައި ވަނީ ކޮން ޝުޢޫރެއް ތޯއެވެ؟ ރަސޫލާ ޞައްލަﷲ ޢަލައިހި ވަސައްލަމް އެދެއްކެވި މިސާލު ފަދައިން އަހަރުމެން ވަމުތޯއެވެ؟ ނޫނެކެވެ !! އަމިއްލަ ނަފްސާ ސުވާލު ކުރަމާ ހިންގަވާށެވެ !! “އަހަރުމެން އީމާންކަން ފުރިހަމަ ވީކަމުގައި ވެއްޖެތޯއެވެ؟”
ބިރުވެތި ވަމާ ހިންގަވާށެވެ !! ހަމަކަށަވަރުން އެއަޚުންނާ މެދު އަހަރުމެންނާ ސުވާލު ކުރެވޭނެއެވެ !! އަހަރުމެން ކުރީ ކޮންކަމެއްތޯ ސުވާލު ކުރެވޭނެއެވެ !! ޖަވާބު ތައްޔާރު ވެފައިނުވާނަމަ ބިރު ބޮޑެވެ !! މުނާފިޤުން ކަމުގައި އަހަރުމެން ވާން ބޭނުންތޯއެވެ؟؟
އަޚުންނޭވެ!! އާނއެކެވެ. ޖިހާދުގެ މައިދާނަށް ދާން އަހަރުމެންގެ ތެރެއިން ގިނަ މީހުން ވަނީ ނުކުޅެދިގެންނެވެ!! އެކަމާމެދު އަހަރުމެން ހިތާމަ ކުރަމު ހެއްޔެވެ؟ އަހަރުމެންނަށް ހަމަގައިމުވެސް ކޮންމެ ނަމާދެއްގެ ފަހުގައި ދެއަތް އުފުލައި ﷲގެ ޙަޟްރަތުގައި އާދޭސް ނުދެންނެވޭނެ ތޯއެވެ؟ ވިސްނާލައްވާށެވެ !! މިއީ އާދައިގެ ކަމެއް ނޫނެވެ !!