ރައީސް މައުމޫނާއި ރައީސް ނަޝީދު ޝުކުރާއި ތަހުނިޔާ ބަދަލު ކުރައްވައިފި އެވެ.
މިކަމަށްޓަކާ ކުރީގެ ރައީސް ނަޝީދު ކުރެއްވި ޓްވީޓެއްގައި ވިދާޅުވެފައި ވަނީ ތަރައްޤީ ލިބޭނެ ވެރިކަމުގެ ނިޒާމުގެ ވަޞީލަތަކީ ސިޔާސީ ޕާޓީ ކަމަށާއި ޕީޕީއެމްގެ އަހަރީ ދުވަހުގެ މުނާސަބަތުގައި އެ ޕާޓީގެ ރައީސް މައުމޫނަށާއި، ހުރިހާ މެންބަރުންނަށް މަރުޙަބާ ވިދާޅުވާ ކަމަށެވެ.
Tharaqee libeyne verikamuge nizam ehge vaseelathakee siyaasee party. PPM ge ahary dhuvahu PPM Raees @maumoonagayoom ashai menbarunah marhaba
— Mohamed Nasheed (@MohamedNasheed) October 27, 2014
ރައީސް ނަޝީދު މަރުޙަބާ ވިދާޅުވުމުން އެކަމަށް ޝުކުރު އަދާކުރައްވާ ރައީސް މައުމޫން ކުރެއްވި ޓްވީޓެއްގައި ވިދާޅުވީ، ޕީޕީއެމަށް 3 އަހަރު ފުރުމުގެ މުނާސަބަތުގައި ވިދާޅުވި މަރުޙަބާ އަށް ޝުކުރު އަދާކުރައްވާ ކަމަށެވެ.
@MohamedNasheed PPM ah 3 aharu furumuge munaasabathu gai vidhaalhuvi marhabaa ah shukuru dhannavan.
— Maumoon Abdul Gayoom (@maumoonagayoom) October 27, 2014
ކުރީގެ 2 ރައީސުންނަކީ 2 ހަތުރުން ކަމަށް ޢާއްމުންގެ ގިނަ ބަޔަކަށް ހީވެފައި އޮތް ނަމަވެސް މި ދެ ރައީސުންގެ މެދުގައި އޮތް ގާތް ގުޅުން ޢާއްމުންނާއި ހަމައަށް ތިލަވެފައި ވަނީ ގަލޮޅު ދަނޑުގައި ފުޓްބޯޅަ މެޗެއް ބައްލަވަން ތިއްބެވި އިރު ނެންގެވި ގައިގޯޅި ސެލްފީ އާއި ހަމައިންނެވެ.
ކޮމެންޓް (0)
ލޯޑް ކުރަމުން...