'މުސްލިމްބުކް'ގެ ނަމުގައި ހުޅުވާފައިވާ މި ވެބްސައިޓަކީ ހަމަ ފޭސްބުކް އެކޭ އެއްފަދައިން ބޭނުންކޮށްލުމަށް ފަސޭހަވާގޮތަށް ތައްޔާރުކޮށްފައިވާ ވެބްސައިޓެކެވެ. ނަމަވެސް މި ވެބްސައިޓާއި ފޭސްބުކާއި ހުރި އެންމެ ބޮޑުތަފާތަކީ، މި ވެބްސައިޓުން ކުރެވޭ އެންމެހާ ކަންތައްތައް ކުރެވޭނީ އިސްލާމީ އަސްލު އުސޫލުތަކާއި ފުށުނާރާ ގޮތަށެވެ. މި ވެބްސައިޓްގެ ފުރަތަމަ ޕޭޗްގައި ރަހުމަތްތެރިންނާއި ހިއްސާކޮށްލުމުގެ ފުރުސަތުވަނީ ހުޅުވާލާފައެވެ.
މި ވެބްސައިޓްގެ މަސްއޫލްވެރިއެއް ކަމުގައި އަލްއަހް ޒައިދް އަލް މަންސޫރީ ވިދާޅުވެފައިވަނީ މި ސައިޓްގައި ރަޖިސްޓްރީ ވުމަށް ފުރުސަތު ދެވިފައިވާނޭ ކަމަށާއި ނަމަވެސް އެއްވެސް ގޮތަކަށް ހުއްދަނެތި މި ވެބްސައިޓް ކޮޕީ ރައިޓް ކުރުމަކީ މަނާކަމެއްކަމުގައެވެ.
މަދީނާ ޑޮޓް ކޮމް އަކީވެސް ހަމަ މިފަދަ ސޯސަލް ނެޓްވޯކިން ވެބްސައިޓެކެވެ. އިސްލާމްދީނުގެ އަދާވާތްތެރިން އިސްލާމްދީން ނައްތާލުމަށްޓަކައި މަސައްކަތް ކުރަމުންދާ މިފަދަ ދުވަސްވަރެއްގަ މުސްލިމުންނަށް ބޭނުން ކުރެވޭ ކަހަލަ ވެބްސައިޓްތައް ހެދުމަކީ ވަރަށްވެސް ބޭނުންތެރިކަމެކެވެ.
ކޮމެންޓް (0)
ލޯޑް ކުރަމުން...