*ނަރުގަނޑުން ބިސް ގިރުއްވާނަމަ، އެލުމިނިއަމް ތައްޓެއްގެ ބަދަލުގައި ދަގަނޑު ނުވަތަ ޕްލާސްޓިކް ތައްޓެއް ބޭނުންކުރައްވާށޭވެ. ނަރުގަނޑުން ތަށީގެ އެލުމިނިއަމް ގޭނި ބިސްގަނޑާއި އެކުވާނެއެވެ. އެލުމިނިއަމް ތައްޓެއް ސަމްސަލަކުން ގިރާނަމަވެސް މިހެންވާނެއެވެ.
*ބިހުގެ ލޮންދިބައި އޮލަކޮށް ގިރުއްވަން ބޭނުންފުޅުނަމަ، ލުންބޯ ފަޅިއެއް، ގިރުއްވަން ބޭނުން ކުރައްވާ ތަށީގައި އުނގުޅުއްވާށެވެ. މިގޮތަށްކަންތައްކުރުމުން ފޮނުތައް އެއްވަރަކަށް ހުރެއެވެ.
*ބިހުގެ ގޮބޮޅި ހަލާކުނުވާގޮތައް ބެހެއްޓުމަށް އައިސްފެންފޮދެއް، މަތިފޮރުވޭ ވަރަށް އެޅުއްވުމަށްފަހު ފިނިތައްޓެއްގައި ބަހައްޓާށެވެ.
*ތެޔޮފޮދު ހޫނުވުމުން ސައިސަމުސަލެއްގެ ހިކިފުއްކޮޅެއް ތެޔޮފޮދާ އެއްކޮށްލުމުން ތަވައިގައި ބިސްގަނޑު ތަތެއްނުލާނެއެވެ. އަދި ބިސްގަނޑު ހަލާކެއްނުވާނެއެވެ.
*އުންދުންމަތިން ބޭލުމައްފަހުވެސް ބިސް ކެކެއެވެ. އެހެންކަމުން ބިސް ކެކުމުގެ ކުޑައިރުކޮޅެއް ކުރިން ބާލާފައި ބެހެއްޓުމުން ހެޔޮވަރުވަރަކަށް ބިސް ހުންނާނީ ކެކިފައެވެ.
ކޮމެންޓް (0)
ލޯޑް ކުރަމުން...