ވިންޑޯސް މޯބައިލް 7 ގެ ޓެސްޓް ޕްރޮގްރާމް “މޯލްޑިވްސް” 2010ގައި ނިކުންނަނީ

މަޢުލޫމާތު ތަދުނަމަވެސް މައިކްރޯސޮފްޓުން ނެރެންއުޅޭ ވިންޑޯސް މޯބައިލް 7 ގެ ޓެސްޓް ޕްރޮގްރާމްއަކާއިބެހޭ ބައެއް މަޢުލޫމާތު ލީކުވެެއްޖެއެވެ. “މޯލްޑިވްސް” ގެ ނަމުގައިނެރޭ މި ޓެސްޓް ޕްރޮގްރާމް ރިލީޒްކުރުމަށް ހަމަޖެހިފައިވަނީ 2010ގެ ފުރަތަމަ ކޮޅުގައެވެ. އަދި ވިންޑޯސް މޯބައިލް 7 ނެރުމަށް ހަމަޖެހިފައިވަނީ 2010ގެ މެދުތެރޭގައެވެ. ވިންޑޯސް މޯބައިލް 7 މިނެރެނީ މީގެ 6.5 ވަނަ ވާޝަން ނެރުނުތާ އެއްއަހަރު ފަހުންނެވެ. މި ޓެސްޓް ޕްރޮގްރާމް ނެރުމުގެ މައިގަނޑު ބޭނުމަކީ ވިންޑޯސް މޯބައިލް ފޯނު އުފައްދާ ކުންފުނިތަކުގެ ފީޑްބެކްހޯދައި މި އޮޕަރޭޓިންގ ސިސްޓަމް މާކެޓަށްނެރޭއިރު މިއީ ފެންވަރު ރަނގަޅު އެއްޗަކައްހެދުމެވެ. ހަބަރުލިބޭގޮތުގައި ބާޒާރަށް ނިކުތުމައް ތައްޔާރުވަމުންދާ އެޗް.ޓީ.ސީ އެޗްޑީ 2 ގައި ބޭނުންކުރާނީ ވިންޑޯސް މޯބައިލް 7 އޮޕަރޭޓިންގ ސިސްޓަމްއެވެ. މިއީ ވިންޑޯސް މޯބައިލް ބޭނުންކުރާ ފަރާތްތަކަށް ވަރައް އުފާވެރި ހަބަރަކައްވެގެން ދާނެ އެވެ