ހޮނިހިރު ދުވަހު އައްޝައިޚު ޢަލީ ޒާހިރުގެ މުޅިން އާ ދަރުހެއް؛ ފުރުޞަތަކަށް ފަހު ފުރުޞަތެއް

"ފުރުޞަތަކަށް ފަހު ފުރުޞަތެއް" މިނަމުގައި، ޝައިޚު ޢަލީ ޒާހިރުގެ މުޅިން އާ ދަރުހެއް ބޭއްވުމަށް ހަމަޖެހިއްޖެއެވެ.

ކުރިއަށް އޮތް ޛުލް ޙިއްޖާ މަހުގެ 10 ދުވަހަށް ބިނާކޮށް ދެއްވުމަށް ހަމަޖެހިފައިވާ މިދަރުހަކީ ޖަމްޢިއްޔަތުއް ސަލަފުން އިސްނަންގަވައިގެން ރާއްޖޭގެ އެކިއެކި ކަންކޮޅުތަކުގައި ޙަރަކާތްތެރިވެ ވަޑައިގަންނަވަމުންދާ 10 ޖަމްޢިއްޔާ އަކާއި ގުޅިވަޑައިގެން ކުރިއަށް ގެންދަވާ ދަރުހެކެވެ. މިގޮތުން މިދަރުސް އިންތިޒާމު ކުރެއްވުމުގައި އުއްމީދު، ޔުނައިޓެޑް އިސްލާމިކް ސޮސައިޓީ، އަދި އިލްމް.އެމްވީ، ގެ އިތުރުން ބިނާ، ޖަމްޢިއްޔަތުއް މަދަދު، ބޭސް ފައުންޑޭޝަން، ޖަމްޢިއްޔަތުއް ރިސާލާ، ޖަމްޢިއްޔަތުލް ޤަލަމް، އަދި އެސޯސިއޭޝަން ފޯ ސޯޝަލް އެވަރނަސް ބައިވެރިވެ ވަޑައިގެންފައިވެއެވެ.

މިދަރުސް މާދަމާ ރޭ 9:00 ޖަހާއިރު (އިން ޝާއަ ﷲ) އިސްވެދެންނެވުނު ޖަމްޢިއްޔާތަކުގެ ފޭސްބުކް ޞަފްޙަގައި ލައިވް ލައިވްކޮށް ބްރޯޑްކާސްޓު ކުރެއްވޭނެއެވެ.

ދަރުހުގެ ވަޤުތު ޖެހުމުން މިލިންކު މެދުވެރިކުރައްވާ ދަރުސް އަޑުއެއްސެވޭނެއެވެ. (އިން ޝާއަ ﷲ).