މަސްތުވާތަކެއްޗާއެކު ރ.ދުވާފަރުން މީހަކު ފުލުހުންގެ ބެލުމުގެ ދަށަށް ގެންގޮސްފި

މަސްތުވާތަކެތިހުރި 5 ސެލޯފިންކޮޅާއިއެކު ރ.ދުވާފަރުން މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.

މިމީހާ ހައްޔަރުކޮށްފައިވަނީ އާއްމު ފަރާތަކުން ފުލުހުންނަށް ލިބުނު މަޢުލޫމާތަކާއި ގުޅިގެން މިޑިސެމްބަރ މަހުގެ 8 ވަނަދުވަހުގެ 19:00 ހާއިރު ރ.ދުވާފަރުންނެވެ.

މަސްތުވާތަކެތިހުރި 5 ސެލޯފިންކޮޅުގެ ތެރެއިން އެއް ސެލޯފިންކޮޅު ފެނިފައިވަނީ އޭނާ ފުލުހުންގެ ބެލުމުގެ ދަށަށް ގެނައިވަގުތު އޭނާގެ ފައި ކައިރިން ބިންމައްޗަށް ވައްޓާލައިފައިވަނިކޮށް ކަމަށާއި އަނެއް 4 ސެލޯފިންކޮޅު ފެނިފައިވަނީ އޭނާ ދިރިއުޅެމުންދާ ކޮޓަރި ބަލައިފާސްކުރިކުރުމުން އެކޮޓަރިތެރޭގައި ހުރި ކަބަޑެއްގެ މަތީގައި ހުރި ފޮށި ގަނޑެއްގެ ތެރެއިން ކަމަށް ފުލުހުން ހާމަކުރެއެވެ.

އުމުރުން 20 އަހަރުގެ މިފިރިހެންމީހާއަކީ މަސްތުވާތަކެތީގެ ރެކޯރޑް އޮންނަ މީހެއްކަމަށް ފުލުހުން މައުލޫމާތު ދެއެވެ.