ބަނގުރާކަމަށް ޝައްކުކުރެވޭ އެއްޗެއްހުރި ގިނަ ޢަދަދެއްގެ ތަކެއްޗާއެކު ތިލަފުށީން 3 ބިދޭސީއަކު ފުލުހުންގެ ބެލުމުގެ ދަށަށް ގެންގޮސްފިއެވެ.
މިމައްސަލައާއި ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ އިންޑިޔާގެ 3 ފިރިހެނުންނެވެ. އެއީ އުމުރުން 29 އަހަރުގެ މީހަކާއި 30 އަހަރުގެ މީހެއްގެ އިތުރުން 32 އަހަރުގެ މީހެކެވެ.
މިކަމާ ގުޅިގެން ފުލުހުން ބުނެފައިވަނީ ފުލުހުންނަށް ލިބުނު މަޢުލޫމާތަކާއި ގުޅިގެން މިދިޔަ ބުރާސްފަތި ދުވަހު މެންދުރު 01:30 ހާއިރު ކުރިއަށް ގެންދިޔަ އޮޕަރޭޝަނުގައި މި 3 މީހުން ފުލުހުންގެ ބެލުމުގެ ދަށަށް ގެންގޮސްފައިވަނީ ތިލަފުށީގައި މަސައްކަތްކުރާ ސައިޓެއްގެ ތެރެއިން ކަމަށާއި މިމީހުން ފުލުހުންގެ ބެލުމުގެދަށަށް ގެންގޮސް އެ ސައިޓް ބަލައިފާސްކުރިއިރު ބަނގުރާކަމަށް ޝައްކުކުރެވޭ އެއްޗެއްހުރި 20 ލީޓަރުގެ 4 ހަމާއި 5 ލީޓަރުގެ 3 ފުޅީގެ އިތުރުން 1.5 ލީޓަރު ފުޅިއެެއް ފެނިފައިވާކަމަށެވެ.
އަދި ހަމަމިއާއެކު އެ ސައިޓް ތެރެއިން ބަނގުރާ ކެއްކުމަށްޓަކައި ބޭނުންކުރާ ބައެއް ސާމާނުތައްވެސް ފެނިފައިވާ ކަމަށްވެސް ފުލުހުން ބުނެއެވެ.
ކޮމެންޓް (0)
ލޯޑް ކުރަމުން...