ތޫނު ހަތިޔާރާއި ލަކުޑި ބުރިއެއް ހިފައިގެން އުޅުނު މީހަކު ހައްޔަރު ކޮށްފި

މިމައްސަލާގައި ފުލުހުންގެ ބެލުމުގެ ދަށަށް ގެންގޮސްފައިވާ ތަކެތި | ފޮޓޯ: ޕޮލިސް

ތޫނު ހަތިޔާރާއި ލަކުޑި ބުރިއެއް ހިފައިގެން އުޅުނު މީހަކު މ. މުލި އިން ހައްޔަރު ކޮށްފިއެވެ.

މިމައްސަލައާއި ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ އުމުރުން 18 އަހަރުގެ ފިރިހެނެކެވެ.

މިކަމާ ގުޅިގެން ފުލުހުން ހާމަކުރަށްވާ ގޮތުގައި މިމީހާ ފުލުހުންގެ ބެލުމުގެ ދަށަށް ގެންގޮސްފައިވަނީ ރޭ ދަންވަރު 02:50 ހާއިރު މ. މުލީ ޕޮލިސް ސްޓޭޝަންގައި މަސައްކަތްކުރާ ފުލުހުން މުލީ ރަށުތެރެ ޕެޓްރޯލް ކުރަމުން ދަނިކޮށް  އެރަށު ސައިމާ ގޭ ކައިރީގައި 06 ފޫޓް ދިގު ދަނޑިބުރިއަކާއި ތިލައިގައި 07 އިންޗި ހުރި ވަޅިއެއް ހިފައިގެން ހުއްޓައި ކަމަށެވެ.

މީގެ އިތުރުން މިމީހާ ފުލުހުންގެ ބެލެމުގެދަށަށް ގެންދިޔައިރު ހުރީ މަސްތުގެ ހާލަތުގައި ކަމަށްވެސް ފުލުހުން ހާމަކުރެއެވެ.