ޝައިޚް ޢަބްދުﷲ ޢިލްމުވެރިިންގެ ފޯރަމްގައި ވާހަކަ ފުޅުދައްކަވަނީ. ދިއިސްލާމް ފޮޓޯ: އިބްރާހިމް އަސްވާޤް
އީމާންތެރިކަމުގެ ޒައްރެއްގެ މިންވަރުވެސް ހިތުގައި ހުރިމީހަކުވެސް ﷲގެ ޙުކުމްފުޅުތަކަށް އިޢުތިރާޟެއް ނުކުރާނެ ކަމުގައި ޖަމިއްޔަތުއް ސަލަފުގެ ރައީސް އައްޝައިޚް އަބްދުﷲ ބިން މުޙައްމަދު އިބްރާހިމް (ޝައިޚް އަބްދުﷲ) ވިދާޅުވެއްޖެއެވެ.
އެމްޑީޕީން އެޕާޓީގެ އޮފީހުގައި އިއްޔެ އޮތް ނޫސްކޮންފަރެއްސެއްގައި ވާހަކަ ދައްކަވަމުން އެޕާޓީގެ ސްްޕޯކްސް ޕާސަން ހާމިދު ޢަބްދުލް ޣަފޫރު މަރަށް މަރު ހިފުމަކީ އެމްޑީޕީން ދާއީދު ކުރާކަމެއް ނޫންކަމަށް ވިދާޅުވުމާއި ގުޅިގެން އެއަށް ރައްދުދެއްވަމުން އެޖަމިއްޔާގެ ވެބްސައިޓަށް ދެއްވި ޚާއްސަ ބަސްދީގަތުމެއްގައި ޝައިޚް އަބްދުﷲ ވިދާޅުވީ މަރަށް މަރުހިފުމުގެ ޙުކުމަކީ އޯގާވަންތަ ޙަކީމްވަންތަ ރައްބުލްޢާލަމީން 7 އުޑުގެ މަތީން ބާވާލައްވާފައިވާ ޙުކުމެއްކަމަށާއި އީމާންކަމުގެ ޛައްރެއްގެ މިންވަރު ހިތުގައި ހުރިމީހަކުވެސް ﷲ ގެ ޙުކުމްފުޅުތަކަށް އިޢުތިރާޟެއް ނުކުރާނެކަމަށަށެވެ.
"މަރަށް މަރުހިފުމުގެ ޙުކުމަކީ އޯގާވަންތަ ޙަކީމްވަންތަ ރައްބުލްޢާލަމީން 7 އުޑުގެ މަތީން ބާވާލައްވާފައިވާ ޙުކުމެއް. ﷲ އާއި އާޚިރަތްދުވަހަށް އީމާންވާ އެއްވެސްމީހަކު މިކަމާ އިންކާރެއް ނުކުރާނެ، އަދި ނުރުހުންވެސް ފާޅެއް ނުކުރާނެ. އީމާންކަމުގެ ޛައްރެއްގެ މިންވަރު ހިތުގައި ހުރިމީހަކުވެސް ﷲ ގެ ޙުކުމްފުޅުތަކަށް އިޢުތިރާޟެއް ނުކުރާނެ" ޝައިޚް ޢަބްދުﷲ ވިދާޅުވިއެވެޝައިޚް ޢަބްދުﷲ އިތުރަށް ވިދާޅުވިގޮތުގައި ޤުރްއާނުގައިވާ ޙުކުމްތަކާމެދު ހިތުހުރި ވާހަކައެއް ދައްކަމުންދާ ޕާޓީތަކުގެ އިސްވެރީންނަށް ޕާޓީގެ މެމްބަރުންގެ ނަމުގައި ދީނުގެ ޙުކުމްތަކާމެދު ހިތުހުރި ވާހަކައެއް ދައްކައިގެން މުޅިޕާޓީ ތަމްޘީލް ކުރުމުގެ އިޚްތިޔާރެއް މެމްބަރުންވެސް ދީފައެއް ނޯންނާނެކަމަށާއި އަދި އެއީ އެޕާޓީއެއްގެ މެނިފެސްޓޯއަށްވެސް ކުރެވޭ ޚިޔާނާތެއްކަމަށް ވިދާޅުވިއެވެ. އަދި އެހެންކަމުން އެމްޑީޕީގެ ލޮބުވެތި ޢާންމު މެންބަރުންނަށް ކީރިތި ޤުރްއާނާ އިދިކޮޅަށް ވާހަކަ ދައްކަމުންދާ އިސްވެރީންނަށް އެކަން މަނާކުރުމަށް ތެދުވުމަށާއި، ޕާޓީގެ އެންމެހާ މެމްބަރުންގެ ނަމުގައި ދީނާއިޚިލާފް ވާހަކަ ދެއްކުމުގެ ޖާގަ އެއްވެސްމީހަކަށް ނުދިނުމަށް ގޮވާލެއްވިއެވެ.
"އެހެންކަމުން އެމްޑީޕީގެ ލޮބުވެތި ޢާންމު މެންބަރުންނަށް ކީރިތި ޤުރްއާނާ އިދިކޮޅަށް ވާހަކަ ދައްކަމުންދާ އިސްވެރީންނަށް އެކަން މަނާކުރުމަށް ތެދުވުމަށާއި، ޕާޓީގެ އެންމެހާ މެމްބަރުންގެ ނަމުގައި ދީނާއިޚިލާފް ވާހަކަ ދެއްކުމުގެ ޖާގަ އެއްވެސްމީހަކަށް ނުދިނުމަށް، އެހެންނޫންނަމަ ޤިޔާމަތް ދުވަހުން ﷲ ގެ ދަރުބާރުގައި އެކަލާނގެ ޙުކުމްފުޅުތަކަށް އިޢުތިރާޟްކޮށް ފާޑުކީ މީހުންގެ ޞަފުތަކުގައި އެބައިމީހުން މަޙްޝަރުކުރެވޭނޭ ކަމީ ޝައްކެއް އޮތްކަމެއްނޫން. އަދި އެފަދަ މީހުންގެ އީމާންކަމަކީ ޤަބޫލުކުރެވޭނެ އެއްޗެއްވެސް ނޫން، މާތް ﷲ ވަޙީ ކުރައްވާފައިވަނީ "ذالك بأنهم كرهوا ما أنزل الله فأحبط أعمالهم " މާނައީ: އެގޮތަކީ އެމީހުން ﷲ ބާވައިލެއްވި ތަކެއްޗަށް ނުރުހުނީއެވެ. އެހެންވެ އެމީހުންގެ ޢަމަލުތައް އެކަލާނގެ ބާޠިލް ކުރެއްވެވީއެވެ" ކީރިތި ޤުރްއާނުން ދަލީލު ގެނެސްދެއްވަމުން ޝައިޚް ޢަބްދުﷲ ވިދާޅުވިއެވެ.
"[މަރަށް މަރު ހިފުމަކީ] ކަނޑައެޅިގެން އަޅުގަނޑުމެން އެކަމާ ދެކޮޅު، އަޅުގަނޑުމެންނަކީ ޑެތް ޕެނަލްޓީއަށް ތާއިދު ކުރާ ބައެއް ނޫން. ދުނިޔޭގެ ވަރަށް ގިނަ ގައުމުތައް އެބައޮތް [މަރަށް މަރުހިފުން]. ތަފާސް ހިސާބުތަކުން ދައްކާފަ ނެތް އޭގެ ސަބަބުން މެރުން މަދުވާކަމަކަށް. އެހެންވީމަ އަޅުގަނޑުމެންގެ ސިޔާސަތެއް ނޫން އެއީކީ،" ﷲގެ ޙުކުމްފުޅާއިދެކޮޅަށް ވާހަކަދައްކަމުން އެމްޑީޕީގެ ސްޕޯކްސްޕާރސަން ޙާމިދު ޢަބްދުލް ޣަފޫރު އިއްޔެ ބުނެފައިވެއެވެ.
އެކަކު ކިޔާ އެއްޗަކަށް ރައްދު ދިނުމުގެ ބަދަލުގައި އިސްލާމީ ޝަރީޢަތުގައި އަނގަވާފައިވާ ޙުކުމް މިޤައުމުގައި ތަންފީޒް ކުރުމަށް އެންމެން އެއްބާރުލައިގެން މަސައްކަތް ކުރުމަކީ މިޤައުމަށް މުހިއްމު ކަމެއް. އިސްލާމީ ޤައުމެއްގައި މުސްލިމުންގެ ނަމުގައި ތިބެގެން މިޝަރީޢަތް ޤާއިމުނުކުރެވޭ އެއްވެސް ސަރުކާރެއް މިޤައުމުގައި އޮތުމަކީ ޤައުމު އިތުރަށް ހަލާކުގެ ތެރެއަށް ވެއްޓިގެންދާނެ ކަމެއްކަން ޔަޤީން. އެމްޑީޕީގެ ސްޕޯކްސްޕާރސަން ޙާމިދު ޢަބްދުލް ޣަފޫރު އެވިދާޅުވި އެއްޗެއް އެވިދާޅުވީ އިސްލާމްދީން އެބޭފުޅާއަށް ނޭގޭތީކަން ޔަޤީން. އަދި އިސްލާމްދީން ދަންނަ ﷲ އަށާއި އެކަލާންގެ ފޮނުއްވި ނަބިއްޔާ މުޙައްމަދު ރަސޫލުﷲ(ސ.ޢ.ވ) އަށް އީމާންވާ، އަދި އެކަލާންގެ 7 އުޑުގެ މަތިން ބާވައިލެއްވި ކީރީތި ޤުރުއާނަށް އީމަންވާ އެއްވެސް މުސްލިމަކަށް އިސްލާމްދީން ގެންނެވި މަތިވެރި ޝަރީޢަތާއި ދެކޮޅަށް ވާހަކަ ދެއްކުމުގެ ޙައްގެއް ލިބިފައެއް ނުވޭ. ވެރިކަން ބޭނުންވީމަ އަޑުއުފުލުލޭ. އެކި ނަންނަމުގައި ކޮމިޝަން އުފައްދާ. ދޮގު ހުވާތައް ކުރެވޭ. އެކަމަކު މުސްލިމުންނަށްވެ ތިބެ އިސްލާމީ ޝަރީޢަތް ޤާއިމު ކުރާތަނެއް ނުފެނޭ. އިސްލާމީ ޝަރީޢަތުގައި އަނގަވާފައިވާ ޙުކުމް ތަންފީޒުކުރުމަށްޓަކައި ބަޔަކު ތާއިދު ކުރޭތޯ ނުވަތަ ނޫންތޯ ބަލާކަށް ނުޖެހޭ. މިހާރުވެސް ކުރަންވީ. ސުވާލަކީ ނުކުރަނީ ކީއްވެގެންތޯ. ކޮބައިތޯ މިހާރު އިއްތިހާދު؟؟ ކޮބައިތޯ ދީނީ ލީޑަރުން؟ އިސްލާމީ ޝަރީޢަތް ޤާއިމުކުރަން އަޑުނުއުފުލަނީ ކީއްވެގެންތޯ؟ މުސްލިމު ދަރިއަކަށްވެ ހުރެ މިބުނަނަީ މިޝަރީޢަތް ތަންފީޒް ނުކުރެވޭ އެއްވެސް ވެރިކަމެއް ބޭނުމެއް ނޫން.
އެކަހަލަ މީހުން އިސްލާމުންނަށް ފުދޭނެބާއޭ ހިތަށްއަރާ ކަނޑައެޅިގެން އިސްލާމްދީނުގެ ޝަރީޢަތާއި ކީރިތިޤުރުއާނަ ދެކޮޅު އަވަހަށް ތައުބާވެވޭތޯބަލާ ހާމިދު ކަލެއްށް ހަލާކުހުރި މިކަހަލަ މީހުން އެމީހުންނާގުޅެމީހުންނާއެކު އުޅެން އެހެން ޤައުމަކަށްދާންވީނު ރާއްޖޭގައި ތިކަހަލަ ފާޑުފާޑުގެ ވާހަކަދައްކާ ޒުވާނުންނާ މީހުންގެ ޅަދަރިން މަގުފުރައްދަން ނޫޅޭ
އެއީ އެމް. ޑީ. ޕީގެ ޢާއްމު ރައުޔު. ހާމިދުމެން ހިތަށް އަރާހާ އެއްޗެއް ވިދާޅެއް ނުވާނެ. އެއަށްވުރެ އެބޭފުޅުން ޕްރޮފެޝަނަލް ވާނެ. އެހެން އެވިދާޅުވީ އެ ޕާޓީގެ ޢާއްޞު އުޞޫލަކީ ޢާއްމު ވިސްނުމަކީ ޢާއްމު ފިކުރަކީ އެއީކަމަށް ވާތީ. އެކަން އެބައިމީހުންގެ ޢަމަލު ތަކުންވެސް ސާބިތުވޭ ނޫންތޯ؟ ވީމާ، ގޯހީ ހާމިދެއްނޫން. އެސިޔާސަތު އެއުޞޫލްތައް އެކަށައަޅާ އެޕާޓީގެ ވެރިން.
މާތް ﷲ އެމީހުންނަށް ހެޔޮ ވިސްނުން ދެއްވާ އެމީހުން ތައުބާ ވެއްޖެނަމަ ތައުބާ ޤަބުޅުކުރައްވާނދޭވެ!
އެފަދަ އަނިޔާވެރި ޤާތިލެއްގެ ޝިކާރައަކަށް ޙާމިދުގެ ޢާއިލާގެ މެންބަރަކު މެދުވެރި ނުކުރައްވާށީ؟
އީމާންކަމުގެ ޒައްރެއްގެ މިންވަރުވިއަސް ހިތުގައި ނުވާ އިސްލާމަކަށް ޤިޞާޞްގެ މުހިންމުކަން އޭމީހެއްގެ ދުލުން ހާމަކުރާނީ އެފަދަ މަޤާމަކަށް އެމީހަކު އަންނަން ޖެހިއްޖެ ހިނދެއްގައެވެ. މާތް ﷲ އެފަދަ މީހުންނަށް ހިދާޔަތާއި ތެދުމަގު ދައްކަވާށި!