މިނިސްޓްރީ އޮފް އިސްލާމިކް އެފެއަރޒްގެ ދަޢުވަތަކަށް ރާއްޖެވަޑައިގެން އުޅުއްވާ އިނގިރޭސި ވިލާތުގެ ދާޢީ އަދި ކުރީގެ ފާދިރީ އިދުރީސް ތަޢުފީޤްގެ ދަރުސެއް މާދަމާރޭ 8:45 ގައި އިސްލާމީ މަރުކަޒުގެ ޖަލްސާކުރާމަލްމްގައި އޮންނާނެކަމަށް އިސްލާމިކް އެފެއަރޒް މިނިސްޓްރީއިން ހާމަކުރައްވައިފިއެވެ.
"އަހަރެން އިސްލާމްވީ ކީއްވެ؟" މިމަޢުލޫއަށް ޝައިޚް އިދުރީސް ދެއްވާ މިދަރުސް ހުށަހަޅައިދޭނީ އިނގިރޭސި ބަހުންކަމުގައި އިސްލާމިކް މިނިސްޓްރީއިން ހާމަކުރައްވައެވެ. ޝައިޚް އިދުރީސް ދެއްވާ މިދަރުސައްފަހު ޢާއްމުން ހުށަހަޅުއްވާ ސުވާލުތަކަށް ޖަވާބުދިނުމުގެ ޝެޝަނެއް އޮންނާނެކަމަށް އިސްލާމިކް މިނިސްޓްރީއިން ދިއިސްލާމްއަށް ހާމަކުރައްވައެވެ.
މިއީ މިއަހަރު ރާއްޖެވަޑައިގަންނަވާ އިނގިރޭސި ވިލާތުގެ ދެވަނަ ދާޢީއެވެ. މީގެ ކުރިން ވަނީ ޖަމްޢިއްޔަތުއް ސަލަފުގެ ދަކޯލް އިވެންޓަށް އިނގިރޭސި ވިލާތުގެ މަޝްހޫރު ދާޢީ އަބުދުރަހީމް ޤްރީން ރާއްޖެވަޑައިގެންފައެވެ.
advertisment
ޚިޔާލު