ލިޔުނީ : ޙަސަން ޝިޔާޒް
މުސްލިމުން ބައިބައިވުމަކީ ޑެންގީ ހުމަށްވުރެ ނުރައްކާތެރި ވަބާއެއް ކަމުގައި ޝައިޚް އިލްޔާސް ޙުސައިން ވިދާޅުވެއްޖެއެވެ.
ޝައިޚް މިހެން ވިދާޅުވީ އިއްޔެ މަސްޖިދު ސުލްޠާން މުޙައްމަދު ތަކުރުފާނުލް އަޢުޒަމް ގައި ހުކުރު ޚުޠުބާ ދެއްވަމުންނެވެ.
ޝައިޚް ވިދާޅުވީ މި މުޖްތަމަޢުގައި ޕާޓީ އަށާއި، ކުލައަށް ތަބާވުމުގެ ސަބަބުން ޢިޖްތިމާޢީ ފޭރާން ވީދިފައިވާ ކަމަށާއި ދުނިޔެމަތީގައި ލިބިދާނެ ފައިސާކޮޅަކަށްޓަކައި އަޚްވަންތަކަން ނަގާލަމުންދާ ކަމަށެވެ. އަދި މާއްދީ އުފަލަކަށްޓަކައި ޒާތީ ޙަސަދަވެރިކަން އިސްކުރަމުންދާ ކަމަށާއި، ބައިބައިވުމުގެ ސަބަބުން އާރާއި ބާރު ގެއްލިފައިވާ ކަމަށް ޝައިޚް ވިދާޅުވިއެވެ.
ޝައިޚް ދެއްވި ޚުޠުބާގައި މުސްލިމުން އެއްބައިވަންތަވެ އަޚްވަންތަކަން ޤާއިމްކުރުމަށް ނަޞީޙަތްތެރިވެލެއްވިއެވެ.
ކޮމެންޓް (0)
ލޯޑް ކުރަމުން...