އިދިކޮޅު ފަރާތްތަކުން މިރޭ ކުރިއަށް ގެންދިޔަ މުޒާހަރާ ކަވަރުކުރަމުން ދަނިކޮށް ފުލުހުން ހައްޔަރުކުރި ނޫސްވެރިން ވަގުތުން ދޫކޮށްލުމަށް އަދާލަތު ޕާޓީއިން ގޮވާލައިފިއެވެ.
އަދާލަތުން ކޮށްފައިވާ ޓުވީޓެއްގައި ބުނެފައިވަނީ މިރޭގެ ސުލްހަވެރި އެއްވުން ކަވަރުކުރަމުންދިޔަ ނޫސްވެރިންނަށް އަނިޔާކޮށް ހައްޔަރުކުރުމަކީ ދަށުދަރަޖައިގެ އަމަލެއްކަމަށާއި ނޫސްވެރިން ވަގުތުން ދޫކޮށްލުމަށް ގޮވާލާ ކަމަށެވެ.
އެމްޑީޕީ ހަރުގެކައިރީގައި ކުރިއަށްދިޔަ މުޒާހަރާ ކަވަރުކުރުމުގައި ހަރަކާތްތެރިވަނިކޮށް ހައްޔަރުކޮށްފައިވަނީ ސަންގު ޓީވީގެ ހަތަރު ނޫސްވެރިޔަކާއި ރާއްޖެ ޓީވީގެ ތިން ނޫސްވެރިޔަކު ކަމަށް މައުލޫމާތު ލިބެއެވެ.
މިކަމާއި ގުޅޭގޮތުން ފުލުހުން ބުނެފައިވަނީ ނޫސްވެރިންތަކެއް ފުލުހުންގެ ބެލުމުގެ ދަށަށް ގެންގޮސްފައިވަނީ ފުުލުހުންގެ ދައުރު އަދާކުރުމަށް ހުރަސްއެޅި ކަމުގެ ތުހުމަތުގައެވެ.
ކޮމެންޓް (0)
ލޯޑް ކުރަމުން...