ބ އޭދަފުށީގައި ފަޤީރުންގެ ގޮތުގައި ރަޖިސްޓްރީ ކޮށްފައިވަނީ 9 މީހުންކަމަށާއި އެއިން ކޮންމެ މީހަކަށް ފިތުރު ޒަކާތުގެ ގޮތުގައި 7384 ރ ބެހުމަށް ހަމަޖެހިފައިވާ ކަމަށް އެރަށުގެ ކައުންސިލުން ހާމަކޮށްފިއެވެ.
އޭދަފުށި ރަށު ކައުންސިލާއި ހަވަލާދީ އޭދަފުށީ ޓައިމްސްގައި ހާމަކޮށްފައިވާ ގޮތުގައި ރޯދަ މަހު 2959 މީހަކު ޒަކާތުގެ ގޮތުގައި 66،461ރ. ދައްކާފައިވާ ކަމަށާއި ޒަކާތް ހައްގުވާ ފަގީރުންގެ ގޮތުގައި ތިބީ އެންމެ 9 މީހުން ކަމަށެވެ.
ޒަކާތުގެ ފައިސާ އެ ނުވަ މީހުންގެ މެދުގައި ބަހާލުމުން ބޮލަކަށް ލިބޭނީ 7384.56ރ. އެވެ.
މާދަމާރޭގެ 9:30 ފެށިގެން ފަޤީރުންގެ ގޮތުގައި ރަޖިސްޓްރީކުރި މީހުންނަށް ޒަކާތް ދޫކުރަމުން ގެންދާނެކަމަށް އޭދަފުށި ކައުންސިލުން ހާމަކުރެއެވެ. ފަޤީރުންގެ ގޮތުގައި މިދިޔަ އަހަރު އޭދަފުށީގައި ރަޖިސްޓްރީ ކޮށްފައިވަނީ 4 މީހުންނެވެ.
ކޮމެންޓް (0)
ލޯޑް ކުރަމުން...