ކުރީގެ ޑިފެންސް މިނިސްޓަރު ކާނަލް ރިޓަޔާޑް މުޙައްމަދު ނާޒިމް މިނިވަންކުރުމަށް އަދާލަތު ޕާޓީން ގޮވާލައިފިއެވެ.
އަދާލަތު ޕާޓީން ނެރުއްވި ބަޔާނެއްގައި ވިދާޅުވީ ފުލުހުން ހައްޔަރު ކޮށްފައިވާ ކުރީގެ ޑިފެންސް މިނިސްޓަރު ވަގުތުން މިނިވަންކޮށް،ނާޒިމާއި އެމަނިކުފާނުގެ އަނބިކަނބަލުންގެ ގެއްލިފައިވާ ހައްޤުތައް ހިމާޔަތްކޮށްދިނުމަށް ގޮވާލައްވާ ކަމަށާއި، ނާޒިމްއާއި އޭނަގެ އަނބިކަނބަލުން އަފާފް އަބުދުލް މަޖީދުގެ މައްޗަށް ހިންގޭ ޝަރީއަތަކީ ޤާނޫންތަކާއި ޤަވާއިދުތަކާއި، ޢަމަލު ކުރެވެމުން އަންނަ އާންމު އުސޫލްތަކުގެ ބޭރުން ހިންގޭ ސުވާލް އުފެދޭ ގިނަ ކަންތަކެއް ހިމެނޭ ޝަރީއަތެއް ކަމަށެވެ.
އަދި މި ޝަރީޢަތަކީ ސަލާމަތް ބުއްދިއަށް ޤަބޫލު ކުރެވޭ ޝަރީއަތަކަށް ނުވާ ކަމަށާއި، އެއްވެސް ދިވެހި ރައްޔިތެއްގެ މައްޗަށް ނުހައްޤުން ދަޢުވާ ނުކުރުމަށް ވެސް ޢަދާޅަތުން ވަނީ ގޮވާލައްވާފައެވެ.
މީގެ އިތުރުން ޝަރީއަތަށް ސާބިތުވާވަރުގެ ހެކިލިބިފައިވާނަމަ އަމަލު ކުރަންވާނީ ހުރިހާ ރައްޔިތުންގެ މައްޗަށް ހަމަހަމަ އުސޫލަކުން ޤާނޫނު އަސާސީއާއި ޤާނޫނުތަކުގެ ކަނޑައަޅާފައިވާ ތަރަހައިގެ ތެރެއިން އަދުލްވެރިކަމަށް ވާސިލު ވެވޭނެހެން ކަމަށާއި، އަނިޔާވެރިކަން އިސްނުކުރުމަށް ވެސް ޢަދާލަތު ޕާޓީން ވަނީ ރައީސް ޔާމީނުގެ ސަރުކާރަށް ގޮވާލައްވާފަ އެވެ.
ކޮމެންޓް (0)
ލޯޑް ކުރަމުން...