ކަންނެލި މަސްވެރިކަމަށް ނުކުމެ އުޅުނު "އަސްރު ކުރި" ނަމަކަށް ކިޔާ ދޯންޏެއްގެ ޚަބަރެއް ނުވެގެން، އެދޯނީ ގެ ޚަބަރެއްވޭތޯ ދޯނީގެ ވެރިފަރާތާއި ގުޅިގެން ކޯސްޓްގާޑުން މަސައްކަތް ފަށައިފިއެވެ.
"އަސްރު ކުރި" ދޯނީގެ ޚަބަރެއް އެންމެ ފަހުން ވެފައިވަނީ 2014 އޮކްޓޯބަރ 16 ވަނަ ދުވަހުގެ މެންދުރު ފަހު، ރ.އަތޮޅު އަލިފުށީ ހުޅަނގުން 75 މޭލު ބޭރުން ކަމަށް ކޯސްތްގާޑުން ވިދާޅުވެއެވެ.
މިދޯންޏަކީ ދިގުމިނުގައި 82 ފޫޓު ހުރި ގެގަނޑުގައި ނޫކުލަ އާއި ފެހިކުލައިގެ ދަވާދު ލާފައިވާ، އަދި ނޫކުލައިން ފަށް ދަމާފައިވާ ދޯންޏެއްކަމަށް ކޯސްޓްގާޑުން ހާމަކޮށްފައި ވެއެވެ.
މިދޯންޏާއިބެހޭ އެއްވެސް މަޢުލޫމާތެއް ލިބޭތޯ ބައްލަވައި ދެއްވުމަށާއި، މިއުޅަނދާއި ބެހޭ އެއްވެސް މަޢުލޫމާތެއް ލިބިއްޖެނަމަ ލަސްނުކުރައްވާ ކޯސްޓްގާޑްގެ ހިލޭ ގުޅޭ ނަމްބަރު 191 ނުވަތަ 3395981 އަދި 3398898 ފޯނަށް ގުޅުއްވައި ދެއްވުމަށް ނުވަތަ ފެކްސް ކުރައްވާނަމަ 3391665 ނަމްބަރަށް ފެކްސް ކުރެއްވުމަށް ކޯސްޓްގާޑުން އެދިލައްވައެވެ.
ކޮމެންޓް (0)
ލޯޑް ކުރަމުން...