އިއްޔެ ހެނދުނު 06:27 ހާއިރު ފުވައްމުލައް އަނބުލުފަންނާއި ދިމާލުން 500 ފޫޓު އިރުމައްޗަށް ލައްގާފައި އޮއްވާ ފެނުނު ހަށިގަނޑަކީ ފުވައްމުލަކު ހޯދަނޑު ޒަމްހަރީރުގެ، މުޙައްމަދު ނާފިޒް (30އ)ގެ ހަށިގަނޑުކަން ދެނެގަނެވިފައި ވާކަމަށް ފުލުހުން ހާމަކޮށްފިއެވެ.
ފުލުހުން އިތުރަށް ބުނެފައި ވަނީ ނާފިޒްގެ ހަށިގަނޑުކަން ދެނެގަނެވިފައި ވަނީ މިކަމާ ގުޅިގެން މާލެއިން ފުވައްމުލަކަށް ދިޔަ ތަޙުޤީޤު ޓީމާއި ފޮރެންސިކް ޓީމުން ކުރި މަސައްކަތުން ލައްގާފައިވާ ހަށިގަނޑުން ނެގި ފިންގާ ޕްރިންޓާއި ފުވައްމުލަކު ހޯދަނޑު ޒަމްހަރީރުގެ، މުޙައްމަދު ނާފިޒްގެ ފިންގާ ޕްރިންޓާއި ދިމާވުމުންނެވެ.
ނާފިޒް ގެއްލިގެން ހޯދަންފެށީ އޭނާގެ ޚަބަރެއް ނުވެގެން އާއިލާ އިން މި ޖެނުއަރީ މަހުގެ 24 ވަނަ ދުވަހުގެ ރޭ 08:00 ހާއިރު ފުލުހުންނަށް އެންގުމުންނެވެ. ނާފިޒް ގެއްލިފައި ވަނީ އޭނާގެ ދެ ރަހްމަތްތެރިއަކާއެކު އައްޑު އަށް ގޮސް އެނބުރި އައިސް ފުވައްމުލަކަށް އެރުމަށްޓަކައި މޫދަށް ފުންމާލި ފަހުންނެވެ.
ކޮމެންޓް (0)
ލޯޑް ކުރަމުން...