މީދުއްޕަރު އައިލެންޑް ރިޒޯޓް އެންޑް ސްޕާ
އިއްޔެ ހަވީރު ރ. މީދުއްޕަރު ރިސޯޓުން ސްނޯކްލިންގއަށް ގޮސް އުޅުނިކޮށް ގެއްލިގެން ހޯދަމުންދިޔަ ކޮރެއާ ފަތުރުވެރިޔާ ކަނޑުއަޑީގައި މަރުވެފައި އޮއްވާ ފެނިއްޖެއެވެ.
ފުލުހުން މަޢުލޫމާތު ދޭގޮތުގައި އުމުރުން 32 އަހަރުގެ މިސްޓަަރ 'ދޮހުވަން އޮހު' ގެއްލިގެން ހޯދަމުންދަނިކޮށް ފެނިފައިވަނީ މިއަދު ހެނދުނު އެމް.އެން.ޑީ.އެފްއާއި މީދުއްޕަރު ޑައިވަރުން ކުރި ޑައިވެއްގައި މީނާ ގެއްލުނުކަމަށް ބުނާ ސަރަޙައްދުގައި 20 މީޓަރު މޫދު އަޑިންނެވެ. އަދި މީނާގެ ހަށިގަނޑު މާލެ ގެނައުމުގެ މަސައްކަތް މިހާރު ދަނީ ކުރަމުންނެވެ.
މީދުއްޕަރު ރިސޯޓުގައި ޗުއްޓީ ހޭދަކޮށްލުމަށްޓަކައި ރާއްޖެ އައިސްއުޅުނު މި ފަތުރުވެރިޔާ ގެއްލިފައިވަނީ އޭނާގެ އަންހެނުންނާއެކު ސްނޯކްލިންގއަށް ގޮސް އުޅެނިކޮށް އިއްޔެ ހަވީރު 17:30 ހާއިރުއެވެ.
ކޮމެންޓް (0)
ލޯޑް ކުރަމުން...