ދިއިސްލާމް މީޑިއާގެ އަޚުލާޤީ މިންގަނޑާއި އެޑިޓޯރިއަލް އުޞޫލު

ދިއިސްލާމް މީޑިއާ އަކީ ރައްޔިތުންނަށް ތެދު އަދި ސައްހަ މަޢުލޫމާތު ފޯރުކޮށްދިނުމަށް އިސްކަންދޭ، މިނިވަން ނޫސްވެރިކަމުގެ މިންގަނޑުތަކަށް ތަބާވާ މީޑިއާއެކެވެ.

މި އުޞޫލުގެ މަޤްޞަދަކީ ދިއިސްލާމް މީޑިއާގެ ފަރާތުން ޝާއިޢުކުރާ ކޮންޓެންޓުގެ ތެރިންގެ އިތުބާރު ދެމެހެއްޓުމެވެ. ފެންވަރު ހިފެހެއްޓުމާއި، ކިޔުން.

• ޝާއިޢުކުރާ ކޮންމެ ޚަބަރެއް ނުވަތަ މަޢުލޫމާތަކީ ސައްހަ، ތެދު މަޢުލޫމާތެއްކަން ކަށަވަރުކުރުމަށް އެންމެހައި ނޫސްވެރިން މަސައްކަތްކުރަންވާނެއެވެ.
• މަޢުލޫމާތު ހޯދި މަޞްދަރުގެ އިތުބާރު ހުރިކަން ކަށަވަރުކޮށް، ޚަބަރު ފެތުރުމުގެ ކުރިން ދެ ފަރާތުގެ ބަސް ހޯދުމަށް އިސްކަންދޭންވާނެއެވެ.
• ޚަބަރެއްގައި ކުށެއް އޮތްކަން އެނގިއްޖެ ހިނދެއްގައި، ވީހާވެސް އަވަހަކަށް އެކަން އިޞްލާޙުކޮށް، ކިޔުންތެރިންނަށް އެކަން ހާމަކުރަންވާނެއެވެ.

• ދިއިސްލާމް މީޑިއާގެ އެޑިޓޯރިއަލް ނިންމުންތަކަކީ އެއްވެސް ސިޔާސީ، ވިޔަފާރި ނުވަތަ އަމިއްލަ ނުފޫޒަކުން އެއްކިބާވެފައިވާ ނިންމުންތަކަކަށް ވާންވާނެއެވެ.
• ޚަބަރު ފެތުރުމުގައި ވަކި ފަރާތަކަށް ބުރަވެ، ތަޢައްޞަބު އުފެދޭ ގޮތަށް މަޢުލޫމާތު ހާމަކޮށްގެން ނުވާނެއެވެ.
• ޚަބަރާއި ޚިޔާލު (Opinion) ވަކިވާނޭހެން ލިޔުންތައް ބައްޓަންކުރަންވާނެއެވެ.

• ކޮންމެ ފަރުދެއްގެވެސް އަމިއްލަ ދިރިއުޅުމާއި އަބުރަށް އިޙުތިރާމްކުރަންވާނެއެވެ. އާންމު މަޞްލަޙަތެއް އެކުލެވިގެން ނުވާ ކަންކަމުގައި މީހުންގެ ޒާތީ މަޢުލޫމާތު ހާމަކޮށްގެން ނުވާނެއެވެ.
• ކުށުގެ ތުހުމަތު ކުރެވޭ މީހުންނާއި، އަނިޔާ ލިބޭ ފަރާތްތަކުގެ މަޢުލޫމާތު ޝާއިޢުކުރުމުގައި ކަމާބެހޭ ޤާނޫނުތަކާއި މީޑިއާ ކައުންސިލްގެ އުޞޫލުތަކަށް ހުރުމަތްތެރިކޮށް ހިތަންވާނެއެވެ.

• ދިއިސްލާމް މީޑިއާގެ އެއްވެސް މުވައްޒަފަކު، އެމީހެއްގެ ނޫސްވެރިކަމުގެ ޒިންމާއަށް ހުރަސްއެޅޭ ފަދަ އެއްވެސް ހަދިޔާއެއް، މާލީ ފައިދާއެއް ނުވަތަ ދަޢުވަތެއް ގަބޫލުކޮށްގެން ނުވާނެއެވެ.
• ވަކި ކަމެއްގައި ނޫސްވެރިޔާގެ އަމިއްލަ މަޞްލަޙަތެއް އޮތްނަމަ، އެކަމެއް އެޑިޓަރަށް ކުރިއާލާ އެންގުމާއެކު، އެ ޚަބަރަކުން އެ ނޫސްވެރިޔާ ދުރުވާންވާނެއެވެ.

• އިސްލާމްދީނުގެ އަޞްލުތަކާއި، ދިވެހިރާއްޖޭގެ ޤާނޫނުއަސާސީއާއި ޤާނޫނުތަކަށް ދިއިސްލާމް މީޑިއާގެ ކޮންޓެންޓް ފެތޭކަން ކަށަވަރުކުރަންވާނެއެވެ.
• ޤައުމީ ސަލާމަތަށް ނުރައްކާވާ ފަދަ ނުވަތަ މުޖުތަމަޢުގައި ބައިބައިވުން އުފެދޭ ފަދަ ފިތުނަވެރި ވާހަކަތައް ފެތުރުމުން އެއްކިބާވާންވާނެއެވެ.

• ނޭދެވޭ އާދަތަކަށް ހިތްވަރު ލިބޭ ފަދަ ލިޔުންތަކާއި، ބޭއަދަބީ ބަހުރުވަ ބޭނުންކުރުމުން ދުރުހެލިވާންވާނެއެވެ.
• ކުޑަކުދިންނާއި ނުކުޅެދުންތެރިކަން ހުންނަ ފަރާތްތަކާ ގުޅޭ މަޢުލޫމާތު ފެތުރުމުގައި ޚާއްޞަ ސަމާލުކަމެއް ދޭންވާނެއެވެ.

• ދިއިސްލާމް މީޑިއާގެ އެންމެހައި މުވައްޒަފުން މޯލްޑިވްސް މީޑިއާ ކައުންސިލުން އެކަށައަޅާފައިވާ ނޫސްވެރިންގެ އަޚުލާޤީ މިންގަނޑު އަށް ފުރިހަމައަށް ބޯލަނބަންވާނެއެވެ.