ދުނިޔޭގެ މަޝްހޫރު ދީނީ އިލްމުވެރިޔާ، ޒިމްބާބްވޭގެ މުފްތީ އިސްމާއިލް ބިން މޫސާ (މުފްތީ މެންކް) މިއަދު މާލެ ވަޑައިގަންނަވާނެއެވެ.
މިއީ ރާއްޖޭގައި ދީނީ ހޭލުންތެރިކަން އިތުރުކޮށް އިޖްތިމާއި ގޮތުން ދުޅަހެޔޮ މުޖުތަމައެއް ގާއިމްކުުރުމަށް ޖަމްއިއްޔަތުއް ރަހުމާ އިން އިންތިޒާމުކޮށްގެން ބާއްވަމުން އަންނަ އިލްމު ޓޯކް ގައި ތަޤްރީރު ކުރެއްވުމަށް މެންކް ކުރައްވާ ދަތުރެކެވެ. މުފްތީ މެންކްގެ ދަރުން މިމަހުގެ 18 ގައި (މާދަމާރޭ) ބޭއްވުމަށް ނިންމާފައިވާއިރު
މެންކްގެ ދަރުސްގައި އަލިއަޅުއްވާލައްވާނީ “މުސްލިމަކު އަނެއް މުސްލިމެއްގެ މައްޗަށް އޮންނަ ހައްގުތަކުގެ މައްޗަށް” މި މައުލޫއަށެވެ. މި ދަރުސް އޮންނާނީ އިސްލާމީ މަރުކަޒު މައިދާނުގައެވެ. މި ދަރުސްގައި ވީހާވެސް ގިނަ ބަޔަކު ބައިވެރިވުމަށް ޖަމްއިއްޔަތުއް ރަހުމާ އިން އެދެއެވެ.
އެ ޖަމްއިއްޔާއިން އިންތިޒާމުކޮށްގެން ބާއްވަމުން އަންނަ އިލްމު ޓޯކް ސިލްސިލާގައި، މުފްތީ މެންކް ވަނީ މިދިޔަ އަހަރުވެސް ދަރުހެއް ދެއްވައިފައެވެ. މި ދަރުސް އަޑުއެހުމަށްވެސްއެތައް ހާސް ބަޔަކު ބައިވެރިވިއެވެ. އެފަހަރުގެ މައުލޫއަކީ “މުސްލިމް އުއްމަތުގެ މުސްތަގްބަލަށްޓަކައި ޒުވާނުންގެ ދައުރު” އެވެ.
މިއަހަރުގެ އިލްމު ޓޯކް ކުރިއަށް ގެންދަނީ މޯލްޑިވިއަން ޔޫތު ލީގް (މައިލް) އާއި އިސްލާމީ ޔުނިވާސިޓީގެ ސްޓޫޑިއަން ޔޫނިއަން އަދި ނެޝަނަލް ޔުނިވާސިޓީގެ ސްޓޫޑިއަންޓް ޔޫނިއަން އާ ގުޅިގެންނެވެ.
ޚިޔާލު