މައާފުދިނުމާއި އަދަބު ލުއިކޮށްދިނުމުގެ ގާނޫނަށް އެއްވަނަ އިސްލާހު ގެނައުމުގެ ބިލް ރައީސުލްޖުމްހޫރިއްޔާ އަބްދުﷲ ޔާމިން ތަސްދީގު ކުރައްވައިފި އެވެ.
ސަރުކާރުގެ ފަރާތުން މަހިބަދޫ ދާއިރާގެ މެންބަރު އަހްމަދު ތޯރިގް ހުށަހެޅުއްވި މިބިލް ރައްޔިތުންގެ މަޖިލީހުން ފާސްކޮށްފައިވަނީ މިދިޔަ މަހުގެ 24ވީ ހޯމަ ދުވަހު ބޭއްވި ޖަލްސާގަ އެވެ.
މައާފުދިނުމާއި އަދަބު ލުއިކޮށްދިނުމުގެ ގާނޫނަށް ތޯރިގް އިސްލާހު ހުށަހެޅުއްވީ ހުކުމް ތަންފީޒުކުރާ މީހުން ހުކުމުގެ ވަކި މުއްދަތެއް ތަންފީޒުކުރުމަށްފަހު މައާފުކޮށްދިނުމަށް ނުވަތަ އަދަބު ލުއިކޮށްދިނުމަށް ރައީސުލްޖުމްހޫރިއްޔާއަށް އިލްތިމާސްއަށް ހުށަހެޅުމަށް އޮންނަ މުއްދަތު ކުޑަ ކުރުމަށެވެ.
ރައީސް ވަނީ ހިއުމަން ރައިޓްސް ކޮމިޝަނުގެ ގާނޫނަށް އެއްވަނަ އިސްލާހު ގެނައުމުގެ ބިލްވެސް ތަސްދީގު ކުރައްވާފަ އެވެ.
ކޮމެންޓް (0)
ލޯޑް ކުރަމުން...