މާލޭގައި ހަދަމުންދިޔަ ޢިމާރާތެއްގެ 10 ވަނަ ބުރި ވެއްޓި މީހަކު މަރުވެއްޖެއެވެ. މިޙާދިސާގައި މަރުވެފައިވަނީ އިންޑިޔާގެ ރައްޔިތެކެވެ.
ފުލުހުން ވިދާޅުވީ ފުލުސްއޮފީހަށް މިޙާދިސާގެ މަޢުލޫމާތު ލިބިފަިއވަނީ ރޭ 19:14 ހާއިރު ކަމަށާއި، މިޙާދިސާ ހިނގުމާއެކު އެމީހާ ހޮސްޕިޓަލަށް ގެންދެވިފައެ ވާކަމަށެވެ. އެހެންނަމަވެސް އެމީހާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް އެމީހާ ބެއްލެވި ޑޮކްޓަރާއި ޙަވާލާދީ ފުލުހުން ވިދާޅުވިއެވެ.
ފުލުހުން ވިދާޅުވީ އެމީހާ ވެއްޓިފައިވަނީ ޖެހިގެން ހުރިގޭ ފުރާޅު މައްޗަށް ކަމަށެވެ.
މިމައްސަލަ މޯލްޑިވްސް ޕޮލިސް ސަރވިސްގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ދަނީ އިތުރަށް ތަޙުޤީޤު ކުރަމުންނެވެ.
ކޮމެންޓް (0)
ލޯޑް ކުރަމުން...