ޖަމިއްޔަތުއް ސަލަފްއިން އިންތިޒާމްކޮށްގެން ކުރިއަށްގެންދާ "ދަ ކޯލް" އިވެންޓުގެ ހަރަކާތްތައް މިފަހަރު މާލޭގެ އިތުރުން އައްޑޫ ސިޓީއާއި ފުވައްމުލަކުގައިވެސް ބޭއްވުމަށް ހަމަޖެހިފައިވާ ކަމަށް އެޖަމިއްޔާއިން ހާމަކޮށްފިއެވެ.
ޖަމިއްޔަތުއްސަލަފްއިން ހާމަކުރާ ގޮތުގައި 3 އަހަރުގެ މެދުކެނޑުމަކަށްފަހު، މިއަހަރު ބޭއްވުމަށް ހަމަޖެހިފައިވާ "ދަ ކޯލް" އިވެންޓް އޮންނާނީ އޮކްޓޫބަރ 30 އިން ނޮވެމްބަރ 02 ވަނަ ދުވަހުގެ ނިޔަލަށެވެ.
2010 ވަނަ އަހަރު ބޭއްވުނު "ދަ ކޯލް" ގައި ބައިވެރިވި ވަޑައިގަތް ކެނެޑާގެ މަޝްހޫރު އިލްމުވެރިޔާ ޑރ. ބިލާލު ފިލިޕްސް އާއި އިސްލާމްދީނަށް ގޮވައިލައްވާ ބޭފުޅެއް ކަމަށްވާ އިނގިރޭސިވިލާތުގެ ޢަބުދުއް ރަޙީމް ގްރީން މިފަހަރުގެ އިވެންޓްގައިވެސް ބައިވެރިވެވަޑައިގަންނަވާނެ ކަމަށް ސަލަފްއިން ހާމަކުރެއެވެ.
މީ ސަލަފުން "ދަ ކޯލް" ބާއްވާ 3 ވަނަ ފަހަރެވެ.
ކޮމެންޓް (0)
ލޯޑް ކުރަމުން...