ދިވެހިރާއްޖޭގެ ޖަލުތަކާއި ޕެރޯލްގެ ބިލު، ޤައުމީ ސަލާމަތުގެ ކޮމިޓީން ދިރާސާކުރައްވައި ނިންމެވި ގޮތުގެ ރިޕޯޓް މަޖިލީހުން ގެންނެވި އިޞްލާޙުތަކާއެކު ކޮމިޓީން ނިންމެވިގޮތަށް ފާސްކުރައްވައިފި އެވެ.
ދިވެހިރާއްޖޭގެ ޖަލުތަކާއި ޕެރޯލްގެ ބިލު، ޤައުމީ ސަލާމަތުގެ ކޮމިޓީން ދިރާސާކުރައްވައި ނިންމެވިގޮތުގެ ރިޕޯޓް މަޖިލީހުން ފާސް ކުރައްވާފައި ވަނީ ރައްޔިތުންގެ މަޖިލީހުން ގެންނެވި 14 އިޞްލާޙާއެކު ކޮމިޓީން ނިންމެވިގޮތަށް އިއްޔެ ބޭއްވި މަޖިލީހުގެ ޖަލްސާގަ އެވެ.
އިއްޔެގެ ޖަލްސާގައި މި ބިލަށް ގެންނަން ފާސްކުރެވުނު އިޞްލާޙުތަކަކީ، މަޖިލީހުގެ ގަވާއިދުގެ 83 ވަނަ މާއްދާގެ (ހ) ގެ ދަށުން ހުށަހެޅުނު 11 އިޞްލާޙާއި، އެ މާއްދާގެ (ށ) ގެ ދަށުން ހުށަހެޅުނު 1 އިޞްލާޙާއި، އަދި އެ މާއްދާގެ (ނ) ގެ ދަށުން ހުށަހެޅުނު 2 އިޞްލާޙެކެވެ.
މި ބިލު އެ އިޞްލާޙުތަކާއެކު ފާސްކުރައްވާފައިވަނީ 54 މެންބަރުންގެ އިއްތިފާޤުންނެވެ.
މިބިލުގެ 83 ވަނަ މާއްދާގެ (ހ) ގެ ދަށުން ހުށަހެޅުނު އިޞްލާޙުތަކުގެ ތެރެއިން 1 އިޞްލާޙު ފާހެއްނުވެއެވެ.
ކޮމެންޓް (0)
ލޯޑް ކުރަމުން...