ފަލަސްޠީނުގެ ރައީސް ޑޮކްޓަރ މަޙްމޫދު ޢައްބާސްގެ ދަޢުވަތަކަށް، އިންޓަރނޭޝަނަލް އިސްލަމިކް ކޮންފަރެންސް އޮފް ބައިތުލް މަޤްދިސްގެ 4 ވަނަ ބައްދަލުވުން ޝަރަފުވެރިކޮށްދެއްވުމަށް ރައީސުލްޖުމްހޫރިއްޔާ ޑރ. މުހައްމަދު ވަހީދު ހަސަން މަނިކު ފަލަސްތީނަށް މިއަދު ފުރާވަޑައިގެންފި އެވެ.
ނޫސްވެރިންނާ ބައްދަލު ކުރައްވާ މި ދަތުރުފުޅާ ބެހޭގޮތުން ރައިސް ވަހީދު ވިދާޅުވީ ޖަލްސާގައި ބައިވެރިވެވަޑައިގަތުމުގެ އިތުރުން، ފަލަސްޠީނުގެ ރައީސާއި ފަލަސްޠީނުގެ އިސްވެރިންނާ ބައްދަލުކުރެއްވުމުގެ ފުރުޞަތު ލިބިވަޑައިގަންނަވާނެ ކަމުގައެވެ.
އެގޮތުން މި ބައްދަލުކުރެއްވުންތަކުގެ މައިގަނޑު މަޤްޞަދަކަށް ވެގެންދާނީ، ރާއްޖެއާއި ފަލަސްޠީނާ ދެޤައުމުގެ ދެމެދުގައި އޮތް ގުޅުން ބަދަހިކުރައްވައި، ފަލަސްޠީނުން ރާއްޖެއަށް ލިބެންހުރި އެހީތަކާ ބެހޭގޮތުން މަޝްވަރާ ކުރެއްވުން ކަމުގައި ރައިސް ވަޙީދު ވިދާޅުވިއެވެ.
ހަތަރު ދުވަހުގެ މުއްދަތަށް ކުރައްވާ މި ދަތުރުފުޅުގައި ރައީސުލްޖުމްހޫރިއްޔާގެ އަރިހުގައި، އެމަނިކުފާނުގެ އަނބިކަނބަލުން އަލްފާޟިލާ އިލްހާމް ޙުސައިންވެސް ބައިވެރިވެވަޑައިގަންނަވައެވެ.
ކޮމެންޓް (0)
ލޯޑް ކުރަމުން...