ޖަމްޢިއްޔަތުއްސަލަފާއި ޕީސް ފައުންޑޭޝަން ގުޅިގެން ބޭއްވި “މުޖައްރަބު” ދަރުސްގައި ވާހަކަފުޅު ދައްކަވަނީ - ދިއިސްލާމް ފޮޓޯ: އިބްރާހިމް އަސްވާގު
އިސްލާމީ ޝަރީއަތަކީ އިންސާނީ ތާރީޚުގައި އޭގައި ކާމީޔާބު ކަމާއި އަމާންކަމާ އޮމާންކާމާ ތަޖުރިބާކޮށްފައިވާ ޝަރީއަތެއް ކަމަށް އައްޝައިޚް އަޙްމަދު ސަމީރު ބިން އިބްރާހީމް ވިދާޅުވެއްޖެއެވެ.
ޝައިޚް ސަމީރު މިހެން ވިދާޅުވީ ޖަމްޢިއްޔަތުއްސަލަފާއި ޕީސް ފައުންޑޭޝަން ގުޅިގެން ބޭއްވި “މުޖައްރަބު” ދަރުސްގައި ވާހަކަފުޅު ދައްކަވަމުންނެވެ.
ޝައިޚް ސަމީރު އިތުރަށް ވިދާޅުވީ ﷲ ސުބުހާނަހޫ ވަތަޢާލާ ބާވާލައްވާފައިވާ ޝަރީއަތަށް ހުރިހާ މާނައެއްގައި އަޅުގަނޑުމެން އެއަށް ތަބަޢަވާންޖެހޭނެ ކަމަށާއި އޭގެ މައްޗަށް އަޅުގަނޑުމެން ހުކުމް ކުރަންޖެހޭނެ ކަމަށެވެ. އަދި އެހުކުމްގެ މައްޗަށް އަޅުގަނޑުމެން ރުހެންޖެހޭނެ ކަމަށްވެސް ޝައިޚް ސަމީރު ވިދާޅުވިއެވެ.
އިސްލާމީ ޝަރީއަތް ތަންފީޒް ކުރާ ޤައުމުތަކުން ފެނިގެންދަނީ އަމާން ކަމާއި އޮމާންކަން އަދި ފާގަތިކަން ކަމަށާއި ނަމަވެސް އަމިއްލަ ވަޟުޢީ ޤާނޫނުތައް ތަންފީޒު ކުރަމުންދާ ޤައުމުތަކުގައި އަޅުގަނޑުމެންނަށް ފެންނަން ހުރީ އޭގެ ނުބައިވަހާހުރެ ނޭފަތުގައި އަންއަޅައިގެން އުޅެންޖެހޭ މުޖުތަމަޢުއެއް ކަންވެސް ޝައިޚް ސަމީރުގެ ވާހަކައިގައި ފާހަގަ ކުރެއްވިއެވެ.
ކޮމެންޓް (0)
ލޯޑް ކުރަމުން...