މ. ހުދު އަސުރުމާގޭގެ ހަތަރު ބުރީގެ އިމާރާތް އަރިއަޅައިލުމުގެ ސަބަބުން އެ އިމާރާތުން މީހުން ނެރެ ހުސްކޮށްފިއެވެ.
މަޢުލޫމާތު ލިބޭގޮތުގައި ހުދު އަސުރުމާގޭގެ ފިޔާތޮށި މަގަށް ހަދާފައި ހުރި އެ އިމާރާތް އަރިއަޅާލާފައި ވަނީ އެ ގެއާ އިންވެގެން އޮންނަ މިސްޓް ނަމަކަށް ކިޔާ ގޯތީގައި އިމާރާތެއް ހެދުމަށް ކޮނުމުގެ ސަބަބުންނެވެ. އަދި އަރިއަޅާލާފައިވާ އިމާރާތުގައި ބޮޑެތި ރެނދުތައް ލާފައިވާ އިރު ތިރީ ބުރީގެ ފާރެއްގެ ބައެއް ވަނީ ވެއްޓިފައެވެ.
އެ ގޭގެ މީހަކު ބުނީ ރެނދުލާން ފެށިތާ ދުވަސްކޮޅެއްވެއްޖެ ކަމަށާއި ނަމަވެސް ރޭގެ ވަގުތެއްގައި ވަރަށް ބޮޑަށް އަރިއަޅާލައި ފާރުން ތަންތަންގަނޑު ނެއްޓެން ފެށި ކަމަށެވެ.
ގިނަ އަދަދެއްގެ ބިދޭސީން އުޅޭ އެ އިމާރާތުން މިއަދު ހެނދުނުން ފެށިގެން ދަނީ މީހުން ހުސްކުރަމުންނެވެ.
ކޮމެންޓް (0)
ލޯޑް ކުރަމުން...