ބިލެތްދޫ ބަނދަރު ސަރަހައްދު
ނިލަންދެ އަތޮޅު އުތުރުބުރީ ބިލެއްދޫގައި ކުޑަ ފިރިހެން ކުދިންތަކަކަށް ޖިންސީ ގޯނާ ކުރިކަމަށް ތުޙުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
މިކަމާ ގުޅިގެން ފުލުހުން ބުނެފައިވަނީ މިމީހާ ފުލުހުންގެ ބެލުމުގެ ދަށަށް ގެންގޮސްފައިވަނީ މި ޖެނުއަރީ މަހު 11 ވަނަ ދުވަހު މިނިސްޓްރީ އޮފް ޖެންޑަރ އެންޑް ހިއުމަންރައިޓަސް އިން ފުލުހުންނަށް ހުށަހެޅި މައްސަލައަކާއި ގުޅިގެން ކޯޓް އަމުރެއްގެ ދަށުން އިއްޔެ 14:00 ހާއިރު ބިލެއްދޫން އިން ކަމަށެވެ.
ދިއިސްލާމަށް މައުލޫމާތު ލިބިފައިވާ ގޮތުގައި އެ ފިރިހެން މީހާ މީގެ ކުރިން ނުކުޅެދޭ އަންހެން ކުއްޖަކަށް ޖިންސީގޯނާ ކުރިކަމުގެ އަޑުތަކެއް ވެސް ވަނީ ފެތުރިފައެވެ. ނަމަވެސް އެކަން އެއްވެސް ފަރާތަކުން ރިޕޯޓުކޮށްފައެއް ނުވެއެވެ.
މިމައްސަލަ ނިލަންދޫ ޕޮލިސް ސްޓޭޝަނުން ތަޙްޤީޤް ކުރަމުން ދާއިރު ކުޑަކުދިންނަށް ޖިންސީ ގޯނާކުރުމުގެ ތަފާތު މައްސަލަތައް ފަހަކަށް އައިސް އަންނަނީ ފެންމަތިވަމުންނެވެ.
ކޮމެންޓް (0)
ލޯޑް ކުރަމުން...