ހޫނު ބަހުސްތަކަކަށްފަހު ދައުލަތުގެ ބަޖެޓު ފާސްކޮށްފި

ފޮޓޯ: މަޖިލިސް

އަންނަ އަހަރަށް ލަފާކޮށް ސަރުކާރުން ރައްޔިތުންގެ މަޖިލީހަށް ހުށަހެޅި ބަޖެޓް، ބޮޑެތި އިސްލާހުތަކަކާ އެކު މަޖިލީހުން މިއަދު ފާސްކޮށްފިއެވެ.

ދައުލަތުން ހުށައެހި 16.9 ބިލިއަން ރުފިޔާގެ ބަޖެޓް 15.3 ބިލިއަނަށް ތިރިކޮށް ގިނަ ރެކޮމެންޑޭޝަންތަކަކާ އެކު ފާސްކޮށްފައިވަނީ ވޯޓުގައި ބައިވެރިވެ ވަޑައިގެންނެވި 69 މެންބަރުންގެ ތެރެއިން 41 މެންބަރުންގެ އަގުލަބިއްޔަތުންނެވެ. އަދި ނުފެންނަ ކަމަށް 28 މެންބަރަކު ވޯޓުދެއްވި އެވެ.

ބަޖެޓަށް ވޯޓު އެހުމުގެ ކުރިން މެންބަރުން ބަޖެޓަށް ގެންނަން ހުށަހެޅުއްވި 16 އިސްލާހަކަށް ވޯޓަށް އަހާފައި ވާއިރު އޭގެ ތެރެއިން ފާސްވެފައިވަނީ 8 އިސްލާހެކެވެ.