ފޮޓޯ: މޯލްޑިވްސް ޕޮލިސް ސާރވިސް
މަސްތުވާތަކެތީގެ މައްސަލައަކާއި ގުޅިގެން ށ. އަތޮޅުން 4 މީހަކު ށ.ފުނަދޫ ޕޮލިސް ސްޓޭޝަންގެ ބެލުމުގެ ދަށަށް ގެންގޮސްފިއެވެ.
ފުލުހުން ސައިޓްގައި ހާމަކޮށްފައިވާ ގޮތުގައި ށ. ނަރުދޫއިން ފުރައިގެން ށ. މިލަންދޫއަށް ދިޔަ ބޯޓަކުން ށ. މިލަންދޫއަށް ބޭލި ފޮށިގަނޑެއްގައި މަސްތުވާތަކެތި ހުރިކަމަށް ފުލުހުންނަށް ލިބުނު މަޢުލޫމާތަކާއި ގުޅިގެން ފުލުހުންގެ ބެލުމުގެ ދަށަށް 4 މީހަކު ގެންގޮސްފައި ވަނީ މި ނޮވެމްބަރު މަހުގެ 8 ވަނަ ދުވަހުގައެވެ.
މިމައްސަލާގައި ށ. މިލަންދޫއިން ފުލުހުންގެ ބެލުމުގެ ދަށަށް ގެނެސްފައިވަނީ 22 އަހަރުގެ ފިރިހެނަކާއި 21 އަހަރުގެ ފިރިހެނެއްގެ އިތުރުން 18 އަހަރުގެ ފިރިހެނެކެވެ. އަދި ހަމަ މިއާއެކު ށ.ފުނަދޫއިން ފުލުހުންގެ ބެލުމުގެ ދަށަށް ގެނެސްފައިވަނީ 41 އަހަރުގެ ފިރިހެނެކެވެ.
މި ކަމާގުޅިގެން ފުލުހުން އިތުރަށް ހާމަކުރައްވާ ގޮތުގައި ށ. މިލަންދޫއިން 3 މީހުން ފުލުހުންގެ ބެލުމުގެ ދަށަށް ގެނެސްފައިވަނީ ފުލުހުންނަށް ލިބުނު މަޢުލޫމާތަކާއި ގުޅިގެން އެ ބޯޓު މިލަންދޫއަށް ދިއުމުން އެ ފޮށިގަނޑު ބާލައިގެން އެ 3 މީހުން ރަށުތެރެއަށް ދަނިކޮށް އެ ފޮށިގަނޑާއެކުގައެވެ. އަދި އެ 3 މީހުންގެ ޙާޟިރުގައި އެފޮށިގަނޑު ބަލައިފާސްކުރިއިރު އެ ފޮށިގަނޑު ތެރޭގައި އޮތް ކޮތަޅެއްގެ ތެރެއިން މަސްތުވާތަކެތިކަމަށް ޝައްކު ކުރެވޭ އެއްޗެއް އަޅާފައި ހުރި ބްލެޓް ސައިޒުގެ 3 ރަބަރު ޕެކެޓާއި މަސްތުވާތަކެތި ބަންދު ކުރުމަށް ބޭނުންކުރާ ޒާތުގެ 3 ބޮނޑި ރަބަރު ކޮތަޅު ފެނިފައިވާކަމަށެވެ.
މީގެ އިތުރުން މި މައްސަލައިގައި ށ.ފުނަދޫން ފުލުހުންގެ ބެލުމުގެ ދަށަށް ގެންގޮސްފައިވާ 41 އަހަރުގެ މީހާ ފުލުހުންގެ ބެލުމުގެ ދަށަށް ގެނެސްފައިވަނީ ށ.ފުނަދޫ ހޮޓަލެއްގެ ތެރޭގައި އިންދައި ކޯޓު އަމުރެއްގެ ދަށުންނެވެ. އަދި އޭނާ ފުލުހުންގެ ބެލުމުގެ ދަށަށް ގެނެސް އޭނާ ދިރިއުޅޭތަން ބަލައި ފާސްކުރިއިރު އެ ކޮޓަރިތެރެއިން މަސްތުވާތަކެތިކަމަށް ޝައްކު ކުރެވޭ އެއްޗެއް އަޅާފައި ހުރި ބްލެޓް ސައިޒުގެ ރަބަރު ޕެކެޓަކާއި މަސްތުވާތަކެތި ބަންދު ކުރުމަށް ބޭނުންކުރާ ބައެއް އާލާތްތައް ފެނިފައިވާ ކަމަށްވެސް ޕުލުހުން ހާމަކުރެއެވެ.
advertisment
މީވެސް މިބައި މީހުން ހަދައިގެން އުޅޭ ޤާނޫނެއް ކުޑަކުދިން ނާއިމެދު ހާއްސަ ގޮތަކުން އަމަލުކުރާ ޤާނޫނު، ބަލަ މީހުން މަރާ މީހުންނާއި މެދުވެސް ޢަމަލުކުރާ ޙާއްސަ ޤާނޫނެއް ހަދަން ނުވޭބާ،! ކުޑަކުދިން ނާއި ބެހުން މާބޮޑު ކޮއްލައިގެން، މީހުން މެރުމާއި، ވައްކަން ކުރުމާއި، ޒިނޭކުރުމާއި، ރާބުއިން މާކުޑަ އާދައިގެ ކަމަކަށް ހަދައިގެން ޤާނޫނު ހަދާމަޖިލިސް މެމްބަރުންވެސް އެބައުޅޭ! ކުށުގެ ކުޑަ ބޮޑުމިން ނުވަތަ ކުށެއްކަން ކަންޑަ އަޅާނީ ޝަރީއަތުގެ ދަލީ ލުން އެޢީ ޤާނޫނު ހަދާމީހުން އަމިއްލަޔަ ހިތަން އެރިހާގޮތަކަށް ހަދާމިންގަޑެއް ނޫން!
މިއަދު ހެދޭ ބަޔެއް ޤާނޫނު ތަކަކީ އަސްލައްވުރެ ބޮޑަށް ފަރުޢު ހިމާޔަށް ކުރަން ހެދޭ ޤާނޫނު، އަސްލު ހިމާޔައްކުރަން ޤާނޫނު ހެދިފައި ހުރީ ވަރައްވެސް މަދުން، ކުޑަކުދިންނާއި ބެހޭ މީހުންނާއިމެދު ހާއްސަ އުސޫލުން އަމަލު ކުރާ ޤާނޫނަށް ބެލިކަމުގައި ވިޔަސް މިޤާނޫނުން ހިމާޔައްކޮދޭން އުޅެނީ ކުޑަކުދިން އެއީ ފަރުޢު، ޤިސާސު ހިފުން މަރައްމަރު ހިފުމުގެ ޤާނޫނުން ހިމާޔައްކޮށް ދެނީ އަސްލު ބޮޑު މީހުން ނުވަތަ ކުޑަކުދިން، މިހެން ކަމުން ބޮޑައް އިސްކަންދޭން ވީ އަސްލު ހިމާޔައްކުރާ ޤާނޫނު، ފަރުޢު ހިމާޔައްކުރާ ޤާނޫނައްވުރެ ބޮޑަށް! ޢަސްލު ހިމާޔައްކުރެވިއްޖެ ނަމަ ފަރުޢު ވެސް ހިމާޔައްކުރެވޭނެ، ހަމައެކަނި ފަރުޢު ހިމާޔައްކޮއްގެސް އަސްލު ހިމާޔަތެއް ނުކުރެވޭނެ، އަސްލު ހިމާޔައްކުރަން ފަރުޢު ނައްތާވެސްލެވޭ، އެގޮތުން މައިމީހާގެ ފުރާނަސަލާމަތްކުރަން ދަރިފުޅު ވައްޓާލުންވެސް ބަޔެއްހާލަތުގައި ހުއްދަ!