މަދްރަސްތުލް އަރަބިއްޔަތުލް އިސްލާމިއްޔާއަށް ކުރިމަތިވަމުންދާ ގިނަގުނަ މައްސަލަތަކާއި ގުޅިގެން ޖަމިއްޔަތުލް ޢަޚަވާތުން ކަންބޮޑުވުންފާޅުކޮށް މިނިސްޓަރ އޮފް އެޑިއުކޭޝަން ޑރ. މުސްތަފާ ލުތުފީއާއި ބައްދަލު ކޮށްފިއެވެ.
ޖަމިއްޔަތުލް ޢަޚަވާތުގެ ފަރާތުން ހާމަކޮށްފައިވާގޮތުގައި ޑރ. މުސްތަފާ ލުތުފީ އާއިއެކު ބޭއްވުނު މިބައްދަލުވުމަކީ އަރަބިއްޔާއަށް ކުރިމަތިވެފައިވާ ގިނަގުނަ މައްސަލަތަކުގެ ވާހަކަ މިނިސްޓަރަށް ދެންނެވުމުގެ ގޮތުން ބޭއްވި ބައްދަލުވުމެކެވެ. އެގޮތުން އެންމެ ބޮޑު އެއްމައްސަލައެއްގެ ގޮތުން ވާހަކަދެކެވުނީ އަރަބިއްޔާގެ ގްރޭޑް އެކަކަށް ވެއްދުމަށް 74 ކުދިން ނަން ނޯޓްކޮށް، އަދި އިތުރު ބެލެނިވެރިން ނަންނޯޓްކުރުމަށް އެދެމުންދަނިކޮށް އަންނައަހަރު ޖާގައޮތީ އެންމެ 30 ދަރިވަރުންގެ އެންމެ ކްލާހަކަށްކަމަށް ސްކޫލުން ބުނެފައިވާ މައްސަލަކަމަށާއި މިކަމުގައި މިނިސްޓަރ ވިދާޅުވީ ހުރިހާސްކޫލްތަކަށްވެސް އަލަށްވަންނަން ބޭނުންވާކުދިންގެ ޖާގަހަމަޖައްސަނީ އެއަހަރުކު އެސްކޫލަކުން ތަޢުލީމް ހާސިލްކޮށްގެން ނުކުންނަ ކުދިންގެ އަދަދަށް ބަލާފައި ކަމުގައިވެސް ދަންނަވާފައިވާނެކަމަށެވެ.
ޖަމިއްޔަތުލް އަޚަވާތުން ހާމާކުރައްވާގޮތުގައި "ސްކޫލްގެ ޖާގައިގެ މައްސަލަ ހައްލުކުރުމަށް މިޖަމިއްޔާއިން ވާނީ މިނިސްޓަރަށް ގޮތްތަކެއް ހުށައަޅާފައިކަމަށާއި އެއީ މަންދުކޮލެޖު ގެ ކުރިމަތީ ހުރި އެޑިޔުކޭޝަން މިނިސްޓްރީ ގެ ގުދަން އަރަބިއްޔާގެ ގުރޭޑު އެކަކަށް ވަންނަންތިބި ކުދިންނަށް ކުލާސްރޫމްތަކެއް ނެގޭނެ ގޮތެއް ހަމަޖައްސަވާ ދެއްވުމަށެވެ." އެ ޚިޔާލަށް މިނިސްޓާރ ވިދާޅުވެފައިވާކަމަށް އެޖަމިއްޔާގެ ވެބްސައިޓުގައިވަނީ "އެކަމާމެދު ވަރަށްބޮޑަށް ވިސްނުމަށްފަހު އެއްހަފްތާ ތެރޭގައި ޖަވާބެއް ދެއްވާނެކަމުގައެވެ."
ޖަމިއްޔަތުލް އަޚްވާތުން މިކަމުގައި ކަންބޮޑުވުން ފާޅުކޮށްފައިވަނީ ރާއްޖޭގައި ދީނީ ތަޢުލީމްދޭ އިދާރާތަކަށް ގިނަގުނަ ގޮންޖަހެންތަކެއް ކުރިމަތިވެ، މިކަމުގެ ޝަކުވާ އެކިގޮތްގޮތުން ރައްޔިތުން ކުރަމުންދާ ދުވަސްވަރެއްގައެވެ. ޖަމިއްޔަތުލް އަޚްވާތަކީ އިސްލާމީ ދައުވަތު ފެތުރުމާއި އިސްލާމް ދީނާއި ގުޅުން ހުރި ކަންކަމުގައި އަޑު އުފުލުމުގައި ފަހަކަށް އައިސް ފާހަގަ ކޮށްލެވޭ ޖަމިއްޔާއެކެވެ.
ދިވެހިރާއްޖޭގައި ދިރިއުޅޭ އެންމެހާ ދިވެހި މުސްލިމް އަޙްނާންނާއި އުޙްތުންނޭވެ ! ތިޔަ އިންސާނާގެ ވަކިތަކުން އެޑިޔުކޭޝަން މިނިސްޓްރީއާއި ދިވެހި އުންމަތް ސަލާމަތް ކުރެވެން ކުރެވެން އޮތް ކޮންމެ ކަމެއް ކުރުމަށް ތިޔަ އެންމެހާ ބޭފުޅުން ގެ ކިބައިން ﷲ ގެ ވާގިފުޅާއި އެކު އެދެމެވެ.
ޖަމުއްޔަތުލް އަޙަވާތުން ތިކުރަށްވާ މަސާއްކަތަށް ކުރިއެރުންދެއްވާށި ﷲތިޔަކަނބަލުން ތިކުރާމަސައްކަތުގާ ބަރަކާތް ލައްވާށި މިއިސްލާމީ އުއްމަތައް ތިޔަ ކޮއްދެއްވާމަސައްތުގެ އަގު ވަޒަންކުރަން
އަޅުގަނޑުމެންނައް ޓަކާ ދައްތަމެން ތިޔަކޮށްދެއްވާ މަސައްކަތަށް ވަރައް ބޮޑައް ޝުކުރިއްޔާ އަރަބިއްޔާގެ ކުރިއެރުމަކީ ދިވެހިއިސްލާމީ އުއްމަތުގެ ކުރިއެރުން ތިޔަކަނބަލުން ނަށްﷲހެޔޮ ޖަޒާދެއްވާށި އަޅުގަނޑުގެ ދުޢާއަކީ މިގައުމުގެމަންމަ އިންނާ ބައްޕަ އިންނައް ހެޔޮ ވިސްނުން ދެއްވުން