އަވަސް ޚަބަރު: ރޭ ރޭޑިއޯ އެޓޯލްގެ މައިކޭބަލް ބުރިކޮށްލާ ޓްރާންސްމިޝަން ހުއްޓުވާލައިފި

ރޭ ފަތިހުގެ ވަގުތެއްގައި ބަޔަކު ރޭޑިއޯ އެޓޯލްހިންގަމުން އަންނަ އިމާރާތުގެ ދޮރެއް ހަލާކުކޮށްލައިގެން ވަދެ އެންޓަނާއަށް ސިގްނަލް ފޮނުވާ މައިކޭބަލް ބުރިކޮށްލާ އެ ސްޓޭޝަންގެ ޓްރާންސްމިޝަން ހުއްޓުވާލައިފިއެވެ.
ރޭޑިއޯ އެޓޯލްގެ ސީއީއޯ މުޙައްމަދު ނަޒީފު ވިދާޅުވީ ރޭދަންވަރުގެ ވަގުތެއްގައި ބަޔަކު ރޭޑިއޯ އެޓޯލްހިންގަމުން އަންނަ އިމާރާތުގެ ދޮރެއް ހަލާކުކޮށްލައިގެން ވަދެ މައިކޭބަލް ބުރިކޮށްލުމާއި ގުޅިގެން މާލެ ހިމެނޭ ސަރަހައްދަށް ރޭޑިއޯ ޓްރާންސްމިޝަން އެެއްކޮށް ކެނޑިފައި ވާކަމަށާއި އެހެންނަމަވެސް އިންޓަނެޓް މެދުވެރިކޮށް ރޭޑިއޯގެ ހިދުމަތް ލިބުމުގެ އިތުރުން އައްޑޫ ސިޓީ އަށާއި ނ.މަނަދޫ ހިމެނޭ ސަރަހައްދާއި ޅ.އަތޮޅަށާއި އދ.ދަނގެތި ހިމެނޭ ސަރަހައްދަށް ރޭޑިއޯގެ ޚިދުމަތް ލިބޭނެ ކަމަށެވެ. އަދި ވީހާ އަވަހަކަށް ޚިދުމަތް ދިނުމުގެ މަސައްކަތް ކުރަމުން ދާކަމަށް ވަނީ ވިދާޅުވެފައެވެ.