މަރުގެ އަދަބު ތަންފީޒު ކުރުމުގެ ކަންތައް ވަރަށް ބާރަށް ކުރިއަށް ދާ ކަމަށް ހޯމް މިނިސްޓަރ އަޒްލީން އަހުމަދު ވިދާޅުވެއްޖެއެވެ.
ވޭތުވެދިޔަ 10 އަހަރެއްހާ ދުވަހުގެ ތެރޭގައި ފެނިގެން ދިޔައީ ވަރަށް ގިނަ އަދަދެއްގެ ބަޔަކު “ގަތުލު” ކުރެވި، ދިރިއުޅުމުގެ ހައްގުން މަހްރޫމް ކުރެވިގެން ދިޔަ ތަންކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ބޭރު ދުނިޔޭގެ އެކި ކަންކޮޅުތަކުން ކިތަންމެ ހިތްހަމަނުޖެހުނަސް، އިސްލާމް ދީނުގައި އޮންނަ ގޮތަށް މަރަށް މަރު ހިފައި، މީހުން ގަތުލުކުރުން ހުއްޓުމަކަށް އަންނަން ޖެހޭ ކަމަށެވެ.
ހުން މެރުމުގެ ކުށްތައް ސާބިތުވެ، ޖަލުގައި ބޮޑެތި އަދަބުތަކެއް ތަންފީޒު ކުރަމުން އަންނަ ކުށްވެރިންނާ ބޭރުގެ އެކި ޖަމިއްޔާތަކުން ބައްދަލު ކުރަމުންދާތީ އެކަމަށް މިނިސްޓަރ އަޒްލީން ފާޑުވިދާޅުވިއެވެ.
އަބުރު ރައްކާތެރިކޮށްދިނުމާއި ހިޔާލު ފާޅުކުރުމުގެ ގާނޫނެއް އަންނަން ޖެހުނީ ގިނަ ބައެއްގެ އަބުރު ކަތިލަމުން ދިއުމުން ކަމަށާއި ގާނޫނުގެ ތެރެއިން އެ ހައްގު ވެސް ކަށަވަރުކޮށްދީފައިވާ ކަމަށް ވިދާޅުވެ، މިނިސްޓަރ ވިދާޅުވީ ހިޔާލު ފާޅުކުރުމުގެ މިނިވަންކަމާއި އަބުރު ރައްކާތެރިކޮށް ދިނުމަކީ ގާނޫނުއަސާސީން ކަށަވަރުކޮށްދީފައި އޮތް ހައްގަކަސް، އަބުރު ރައްކާތެރި ކުރުމުގެ ބައި އޮތީ ހަނދާން ނައްތާލާފައިކަމަށެވެ.
ޚިޔާލު