ކީރިތި ޤުރުޢާނާއި ބެހޭ މަރުކަޒުން 2015 ވަނަ އަހަރުގެ ޖުލައި މަހު ފެށުމަށް ހަމަޖެހިފައިވާ ޤާރީ ކޯސް ލެވެލް 2 ގައި ބައިވެރިވުމުގެ ފުރުޞަތު އެމަރުކަޒުން ހުޅުވާލައިފިއެވެ.
އެމަރުކަޒުން ކޮށްފައިވާ އިޢުލާނެއްގައިވަނީ އެމަރުކަޒުން ހިންގާ ޤާރީ ކޯސް ލެވެލް 2 ގައި ބައިވެރިވުމުގެ ފުރުޞަތު ހުޅުވާލާފައިވާ ކަމަށާއި ބައިވެރިވުމަށް އެދޭ ފޯމު 28 ޖޫން 2015 ވާ އާދީއްތަ ދުވަހުން ފެށިގެން އެމަރުކަޒުން ދޫކުރަމުން ގެންދާނެކަމަށެވެ. ކޯހުގައި ބައިވެރިވުމަށް އެދިލައްވާ ފަރާތްތަކުން 07 ޖުލައި 2015 ވާ އަންގާރަ ދުވަހުގެ 14:30 ގެ ކުރިން ފޯމު ފުރުއްވުމަށްފަހު އެމަރުކަޒަށް ހުށަހެޅުމަށްވެސް އެއިއުލާނުގައިވެއެވެ.
ޤާރީ ކޯސް ލެވެލް 2 އަކީ 04 މަސްދުވަހުގެ މުއްދަތަށް ހިންގާ ކޯހެކެވެ. މިކޯހުގައި ބައިވެރިވުމުގެ ޝަރުތަކީ ޤާރީ ކޯސް ލެވެލް 1 ނިންމާފައިވުމެވެ.
ކޮމެންޓް (0)
ލޯޑް ކުރަމުން...