ހދ.ކުޅުދުއްފުށިން ފުރައިގެން މާލެ އައުމަށް ދަތުރުކުރި ހދ.ކުޅުދުއްފުށީ ބަހާދަރު ނަމަކަށް ކިޔާ ބޯޓުގައި ދަތުރުކުރި މާބަނޑު އަންހެނަކު ވިހެއުމާއި ގުޅިގެން އެ ދެމައިން ހޮސްޕިޓަލަށް ގެންދިޔުމަށްޓަކައި ށ.ފުނަދޫ ޕޮލިސް ސްޓޭޝަނުގެ ފަރާތުން އެހީތެރިކަން ފޯރުކޮށްދީފިއެވެ.
މިރޭ 19:55 ހާއިރު އެ ބޯޓުން ދަތުރުކުރަމުންދިޔަ މާބަނޑު އަންހެނަކު އޭނާގެ ބަނޑުގައި ރިއްސާތީވެ ފުލުހުންގެ އެހީތެރިކަމަށް އެދުމުން ށ. ފުނަދޫ ޕޮލިސް ސްޓޭޝަންގައި މަސައްކަތްކުރާ ފުލުހުންގެ ޓީމަކާއި ފުނަދޫ ސިއްޙީ މަރުކަޒުގެ ޓީމަކާއެކު އެބޯޓަށް ގޮސް އެ ދެމައިން މިހާރު ވަނީ ށ. ފުނަދޫއަށް ގެންގޮސްފައެވެ .
އެދެމައިން މިރޭ 22:00 ހާއިރު ށ. ފުނަދޫ ސިއްޙީ މަރުކަޒަށް ގެންދެވި ފަރުވާދެމުންދާއިރު އެ ދެމައިންގެ ހާލު ރަގަޅުކަމަށް ފުނަދޫ ސިއްޙީ މަރުކަޒުން އެ ދެމައިން ބެއްލެވި ޑޮކްޓަރު ފުލުހުންނަށް މަޢުލޫމާތު ދީފައިވެއެވެ.
ބަހާދަރު ބޯޓުގައި ވިހޭ އަންހެން މީހާއާއި ދަރިފުޅުވެސް ރަނގަޅު: ޕޮލިސް
ކޮމެންޓް (0)
ލޯޑް ކުރަމުން...