އޭސީ އައުޓް ޑޯ ޔުނިޓެއްގެ ތެރެއިން ގިނަ ޢަދަދެއްގެ މަސްތުވާ ތަކެތި ހޯދައިފި

އޭސީ އައުޓް ޑޯ ޔުނިޓެއްގެ ތެރެއިން މަސްތުވާތަކެތިކަމަށް ޝައްކުކުރެވޭ އެއްޗެއްހުރި ރަބަރު ޕެކެޓްތަކެއް ހޯދައިފިއެވެ.

ފުލުހުން މިތަކެތި ހޯދާފައިވަނީ މަސްތުވާތަކެތި ގެންގުޅެ އެތަކެތީގެ ބޭނުންކޮށް ވިޔަފާރިކުރާކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތަކާ ގުޅިގެން 2014 ޖެނުއަރީ 29 ވަނަދުވަހުގެ 13:50 ހާއިރު ޑްރަގް އެންފޯސްމަންޓް ޑިޕާޓްމަންޓުން ހިންގި ޚާއްސަ އޮޕަރޭޝަނެއްގައި ޖަނަވަރީ މަގާއި އިންވެގެން އޮންނަ ގޯޅި ގަނޑެއްގެ ތެރެއިންނެވެ.

މި ގޯޅި ގަނޑު ބަލައިފާސްކުރުމުން އެ ގޯޅިގަނޑު ތެރޭގައި ބަހައްޓާފައިހުރި އޭސީ އައުޓްޑޯ ޔުނިޓެއްގެ ތެރެއިން މަސްތުވާތަކެތިކަމަށް ޝައްކުކުރެވޭ އެއްޗެއްހުރި 7 ރަބަރު ޕެކެޓާއި މަސްތުވާތަކެތިކަމަށް ޝައްކުކުރެވޭ އެއްޗެއްހުރި ކުދި 71 ރަބަރު ޕެކެޓް ފެނިފައިވެއެވެ.

މި މައްސަލައާ ގުޅުންހުރި މީހުން ހޯދުމުގެ މަސައްކަތް ފުލުހުން ކުރަމުންދާއިރު މި މައްސަލަ ޑްރަގް އެންފޯސްމަންޓް ޑިޕާޓްމަންޓުން ދަނީ ތަހުޤީޤް ކުރަމުންނެވެ.