ރާއްޖޭގެ އިންތިޚާބާއި ބެހޭ ގޮތުން ސައުދީގެ ޢިލްމުވެރިޔަކު ދެއްވާފައިވާ ފަތުޥާއެއް އާންމުވެއްޖެއެވެ.
ދިއިސްލާމްއަށް ލިބިފައިވާ މިއޯޑިއާގައި ރާއްޖޭގެ އިންތިޚާބާއި ބެހޭ ގޮތުން ވާހަކަ ދައްކަވާފައިވަނީ ސައުދީގެ މަޝްހޫރު ޢިލްމުވެރިއާ ފަޟީލަތުއްޝައިޚް ޑރ. މުހައްމަދު ބްނު ހާދީ އަލްމަދްޚަލީ އެވެ. ޝެއިޚް އާއި ކުރެވޭ ސުވާލުތަކެއްގެ މައްޗަށް އެކުލެވިގެންވާ މިއޯޑިއޯގައި ވަރަށް ސާފުކޮށް ޝެއިޚް މަދްޚަލީ ވަނީ ޖަވާބު ދެއްވާފައެވެ.
އޯޑިއޯ ފެށޭތަނުން ޝެއިޚް އަލްމަދްޚަލީ ވަނީ "ތީ ކޮންޤައުމެއްގެ ކުދިންކޮޅެއް؟" ތޯ ސުވާލުކޮށްފައެވެ. އަދި ޖަވާބު ގައި "އަހަރެމެން މީދިވެހިން" ކަމަށް އަރަބި ބަހުން ޖަވާބު ދޭ ބަޔަކު ބުނާ އަޑު އިވެއެވެ. އަދި ޖަވާބުގައި "ދިވެހިރާއްޖެ ދޯ؟" އޭ ޝެއިޚް ވިދާޅުވާ އަޑު އޯޑިއޯއިން އިވިގެންދެއެވެ.
3 މިނިޓާއި 26 ސިކުންތުގެ މިއޯޑިއާގައި މައިގަނޑު ގޮތެއްގައި ވާހަކަ ދެކެވިފައިވަނީ އިންތިހާބަށް ކުރިމަތިލާފައިވާ މީހުންގެ ތެރޭގައި ދީންވެރި މީހެއް ނެތް އިރު ދީނަށް ފުރައްސާރަ ކުރާ މީހެއް ހިމެނޭތީ ވޯޓްލުމުގައި ކަންކުރަންވީ ގޮތް އޮޅުންފިލުވުމަށެވެ. އެގޮތުން "އެމީހުންގެ ތެރޭގައި ދީނީ މީހަކު ނުވަތަ ދީންވެރިމީހަކު ވަކިނެތް! އެމީހުންގެ ތެރެއިން އެކަކީ ދީނަށް ފުރައްސާރަ ކުރާމީހެއް! ވަރަށް ފަހަކުން ޑެންމާކަށް ގޮސް، ޤުރްއާނާއި ސުންނަތަށް އިހާނެތިކޮށް ވާހަކަދެއްކި! އަދި ރަސޫލާ ޞަލަﷲ ޢަލައިހި ވަސައްލަމައަށް ފުރައްސާރަކުރި! މީ ފާޅުގަ ހިނގިކަމެއް!" ސުވާލު ކުރާ ފަރާތުން ޝެއިޚް އަށް ސުވާލު ކުރުމުން ޝެއިޚް ވިދާޅުވެފައިވަނީ "ތިޔަހެން؟ ތީ މުރުތައްދެއް، ތިޔަހެންވެއްޖެއްޔާ ތީހަމަ ދީނުން ބޭރުވެފަހުރި މުރުތައްދެއް!"ކަމަށެވެ.
ފަޟީލަތުއްޝައިޚް ޑރ. މުހައްމަދު ބްނު ހާދީ އަލްމަދްޚަލީ އިތުރަށް އޯޑިއޯގައި ވިދާޅުވެފައިވަނީ "ނުބައި އަތުވެދާނެކަމަށް ބިރުގަންނަން ޖެހިއްޖެ ނަމަ، ތިޔަ ގައުމުގެ ވެރިކަމަށް އެމުޖުރިމު، ދީނުން ބޭރުވެފައިވާ މީހާ، ކުރިން ބުނި މީހާ ނުވަތަ އެފަދަ މީހަކު އިސްވެދާނެކަމަށް ފެންނަންޏާ، އަދި އަނިޔާވެރިވެ ޢަޛާބު ދައްކާނެ ކަމަށް ފެންނަންޏާ، މަޖުބޫރީ ޙާލަތެއްކަމަށް ބަލައި، މިޙާލަތުގައި އޭނާއާ ދެކޮޅަށް ވޯޓު ލެވިދާނެ. އެއީ ނުބައި ދުރުކޮށް ފަސާދަ ކުޑަ ކަމެއް ގެނައުމަށްޓަކައި. އެއީ ނުބައިދުރުކުރުމަށްޓަކާއި ދެފަސާދައިން ކުޑަފަސާދަ ޚިޔާރުކުރުން" ކަމަށެވެ.
"މުރުތައްދު ވެފައިވާ މީހަކު އިންތިޚާބުކުރަން ބައިވެރިވީމަ މުރުތައްދު ވުމުމަކަށް ވާނެ"ކަމަށާއި "މުރުތައްދުވެފައިވާ މީހަކު އިންތިޚާބުކުރުމުގައި، މުރުތައްދުވެފައިވާ މީހަކަށް ނަޞްރުވެރި ވުމުގައި، މުރުތައްދުވެފައިވާ މީހަކު ބާރުވެރިކުރުމުގައި، މުރުތައްދުވެފައިވާ މީހަކު މަތިވެރި ކުރުމުގައި، މުރުތައްދުވެފައިވާ މީހަކު ހޮވުމަށް މަސައްކަތް ކުރުމުގައި އެވާނީ މުރުތައްދުގެ އަހުލުވެރިންނާއި ކުފުރުގެ އަހުލުވެރިން އިސްލާމުންގެ މައްޗަށް ބާރުވެރި ކުރުމުގައި ބައިވެރިވުން ކަމުގަ. މިކަމެއް ހުއްދައެއް ނުވާނެ"ކަމަށްވެސް ފަޟީލަތުއްޝައިޚް ޑރ. މުހައްމަދު ބްނު ހާދީ އަލްމަދްޚަލީ ވިދާޅުވެފައިވެއެވެ.
"ﷲ ސުބްޙާނަހޫ ޥަތަޢާލާ ތިޔަ ގައުމަށް ހެޔޮގޮތެއް މިންވަރު ކޮށްދެއްވާށި." މިފަދައިން ޝެއިޚް އަލްމަދްޚަލީ ވަނީ ދިވެހިރާއްޖެއަށް ހެޔޮގޮތެއް މިންވަރު ކޮށްދެއްވުމަށް އެދި މިއޯޑިއޯގައި ދުޢާ ކޮށްދެއްވާފައެވެ.
ގުޅުންހުރި ލިންކް:
ލިޔުން: ފަޟީލަތުއްޝައިޚް ޑރ އަލްމަދްޚަލީގެ އޯޑިއޯގެ ތަރުޖަމާ
އޯޑިއޯ: ރާއްޖޭގެ އިންތިޚާބާއި ބެހޭ ގޮތުން ޑރ އަލްމަދްޚަލީ ގެ ފަތުވާ
advertisment
މިކަން ޤަބޫލް ނުކުރާނެ ބަޔަކުވެސް މިރާއްޖޭގައި އުޅޭތި ދެރައީ
މާޝާ ﷲ! ﷲ އަކްބަރު!
ޝައިޚް މުޙައްމަދު ބިން ހާދީ އަލް މަދްޚަލީ އަކީ ވަރަށް ވަރުގަދަ ސަލަފީ ޝައިޚެއް! އެ ޝައިޚްގެ ފަތުވާ އާ މެދު އަޅުގަނޑުމެން އެންމެން އިތުބާރުކުރަން
ޝައިޚް އާ ސުވާލުކުރެވިފަ އެވަނީ ވަކި ބޭނުމެއްގައި އޮޅުވައިލައިގެންނޭ ބުނެވޭނެ އެއްވެސް ޖާގައެއް ނެތް… ބުދު ބެހެއްޓި ވާހަކަ އާއި ބޯންޖެހޭނެ ކަމަށް ބުނި ވާހަކަ ދެއްކިނަމަ ޝައިޚުގެ ފަތުވާ އަދި ތިއަށްވުރެ މާ ވަރުގަދަވީސް…
އެއީ ޙަޤީޤީ ސަލަފީ ޝައިޚުންނަކީ … މަސްލަހަތާއި މަފްސަދާއަށް ރިއާޔަތްކުރަން ދަންނަ ޝައިޚުންނަކީ… އަހަރުމެން ޑިމޮކްރަސީއަށް ކާފަރުވަން.. އެކަމަކު މިޙާލަތުގައި ވޯޓުލާނަން ޝައިޚް އެ ވިދާޅުވިގޮތަށް … ﷲ އަކްބަރު
މިކަމާމެދު އެންޑިޕީގެ ޝެއިޚުންގެ ފަތުވާ އެއް އަދި ނިކުންނާނެ ބައްލަވަން ތިއްބާތި!
ހުސްފޭކު
އަހަރުމެން ހުރިހާ ދިވެހިންގެ ދުޢާއަކީ މިޤައުމަށް ހެޔޮގޮތް މިންވަރު ކުރެއްވުން
ނުހަމަގޮތުގައި ފަތުވާ ބޭނުންކުރުމުގެ ނަމޫނާއެއް މީ. ޝައިޚްގެ ދުލަށް ޖަވާބު އަޅައިދީގެން ފަތުވާ އެއް ހޯދިޔަސް، ޝަރުޢީ ކޯޓަކުން ޙުކުމް ނުކުރާހާ ހިނދަކު މުސްލިމަކު ވާނީ މުސްލިމަކަށް. މުރުތައްދަކަށް ނޫން.
މީގެ ދިވެހި ތަރުޖަމާ ދެއްވި ނަމަ ހާދަ ރަނގަޅުވީސް ދޯ…
ދިއިސްލާމް ކިޔާސައިޓެއް ހެދިޔަސް ކަމަކު ނުދާނެ މީޙުންގެ މެދުގައި ނަފްރަތު ފެތުރުން ނޫން ކަމެއް ކުރެވޭތޯ ބަލާބަ.
ތިޔަ ވީޑިއޯ ގެނެސް ދިނީތީ އުފާކުރަން،،؟؟؟؟ އަދި އަންޖަލުސް ގެ ބައެއްގުޅާލަދީ ތިޔަ ވީ ޑިއޯ ގައި /އޫރާއި ބަނގުރާ މިގައުމުގައި ހުއްތޯ ޝައިހުކުރެން އަހާލަދިބަލަ
ބޮޑެތީ ދީނީ ޢިލްމުވެރިން ބުނީމަ އަހަރެމެން ޤަބޫލުުނުކުރަންވީ އެއްވެސް ސަބަބެއް ނެތް”” ޝަރުޢީ ކޯޓަކުން ޙުކުމް ނުކުރިޔަސް އޭނާގެ ނުބައި އެ ހުރިހާ ޢަމަލުތަކެެއް އެ ކުރަނީ ފާޅުގަ… ދެންވެސް ކިޔަންވީ އިސްލާމުންނޭތަ؟؟؟؟؟
ބޭރުގެ އެއްވެސް ފަރާތަކުން ރާއްޖެ ކުޑަކަމުގައި ނުވަތަ މީސްކޮޅު މަދުކަމުގައި ދެކެގެން ނުވާނެ ޤާނޫނު ކުރިމާތީ އެއްމެން ހަމަހަމަވާނެ، މަދެއް ގިނައެއް ކުޑެއް ބޮޑެއް ނޯނާނެ! ރާއްޖެވެސް ދައުވާ ލިބޭ ދައުވާކުރާ ފަރާތެއްގެ ހައިސިއްޔަތުން ޤާނޫނު ކުރިމަތީގައި އިންޑިޔާ އެމެރިކާ ޔައްވެސް ލިބޭ ހައްޤުލިބޭނެ، އަދުލު އިންސާފަކީ ބޮޑުމީހާއަށް ބޮޑުކޮއް ކުޑަމީހާއަށް ކުޑަކޮއް ލިބެންޖެހޭ އެއްޗެއްބާ؟
އާން! ދެންބުނާނެ ދީން ހަތިޔާތަކަށް ހަދަނީއޭ… ދީންދެކެ ތިހާބިރުގަންނަނީއޯ؟
އިއްބޭ! އަބޫ ޖަހުލާއި އެކުވެސް އުޅުނޭ ތިޔަފަދަ ބަސް ބުނެ އުޅުނު މީސްމީހުން! މީހުންގެ މެދުގައި ނަފުރަތާއި ފަސާދައާއި މުންކަރާތާއި … މިހެން ގޮސް އެންމެހައި ނުބައިކަމެއް ބާރުވެރި ކުރަން މަސައްކަތްކުރަން އުޅޭ މީހަކު މިފަހަކަށް އައިސް މިރާއްޖޭގައި ފާޅުވެ ފެންނަ އިރުވެސް ތިޔަ ފަދަ ބަސްތައް ދުލަށާއި ގަލަމަށް އައުމަކީ ފަހުން ހިތާމަކުރަންޖެހިދާނެކަމެއް ކަމާއި މެދު ޝައްކެއްވެސް ކުރާ ކަމެއް ނޫން! ނިކަން ހެޔޮވިސްނޭތޯ އަމިއްލައަށްވެސް ދުޢާކޮށްބަލަ! މާތްކަލާކޯ. މިޤައުމުގެ އެންމެހާ މުސްލިމުންނަށް ހެޔޮވިސްނުން ދެއްވާށިއެވެ. އާމީން
އަޅުގަނޑުގެ ސުވާލަކީ ކީއްވެބާއޭ ދެންވެރިކަމައް ކުރިމަތި ލާފަ ތިބި މީހުންގެ ވާހަކަ ނޭހީ އެހެން ނޫންނަމަ ތިޔަ ހެއްދެވި ވީޑިއޯ ވަރަށް ފުރިހަމަ ވީސް ކުޑައިރުއްސުރެ އަޑުއަހާ ވާހަކައެއް ރާ ބޯ މީހެކޭ ވިއްކާ މީހެކޭ ހޯދައިދިން މީހެކޭ އެއްވަރުވާނެ އޭ ކީއްވެ ބާ މި ވާހަކަތައް އޮޅުން ފިލުވާ ނުލީ މިހާރު މި އޮތްގޮތު ހަމަ ބެލެވެނީ ވަކިމީހަކު ބަދުނާމު ކުރަން ނޫނީ ފަލީހަތް ކުރަން ހަދާފަ އިން ވީޑިއޯއެއް ހެން
aakhirahn vuren maadyduniyeyge tharahgy beynun vaa bayaku adeh naahaane ilmuveriyehge fathu va.e myhun deenan vuren duniye dheke loabiva min varaky deenuge hukum thaka rasul s.a.w ahn furahsaara kura veriyehge fahathuga saabas dheythy.insaanunge there in muslimaku ehme loabiva faraathakan vaan jeheny rasoola s.a.w.ve hidu ekan ehenthw mi vany ekaleyge faanan furahsaara kura iru ves rasoola ahn vuren e myhun nasheedh dheke loabi vaa varu mi fehnany.ya allah mi fada meehuhnah heyo visnun dhehvai seeda magun mangu dhahkavaandheyv.
ނަޝީދު ޑެންމާރކް ގައި ދެއްކިވާހަކަ ސީދާ ޢަރަބި ބަހަށް ބަދަލުކޮށް ފައި އެވީޑިއޯ އާއި އެއްކޮށް ޝެއިޚު އަރިހުން އެއްސެވިނަމަ ޖަވާބު ތަފާތުވީސް ކަންނޭނގެ. އަދި މިވީޑިއޯ އާއިބެހޭގޮތުން އިނގިރޭސިބަހުން ވާހަކަ ދައްކާ ޢިލްމުވެރިން މާނަކުރައްވާ ގޮތްވެސް ….