ބަނގުރާ ކައްކަމުންދިޔަ ބަޔަކު ހައްޔަރުކޮށްފި

ބަނގުރާ ކައްކަމުންދިޔަ 3 ބިދޭސީއަކު ހ. ފެހިއާބާދުގެ އިން ފުލުހުންގެ ބެލުމުގެ ދަށަށް ގެންގޮސްފައިވޭ | ފޮޓޯ: ހަވީރު

ބަނގުރާ ކައްކަމުންދިޔަ ބަޔަކު ހ. ފެހިއާބާދުގެ އިން ފުލުހުންގެ ބެލުމުގެ ދަށަށް ގެންގޮސްފިއެވެ.

މިކަމާ ގުޅިގެން ފުލުހުން ބުނެފައިވަނީ އެމީހުން ފުލުހުންގެ ބެލުމުގެ ދަށަށް ގެންގޮސްފައިވަނީ ހ. ފެހިއާބާދުގޭ ތެރޭގައި ބަނގުރާކެއްކުމުގެ މަސައްކަތް ކުރަމުން ދަނިކޮށް ކަމަށާއި މިމައްސަލައާއި ގުޅިގެން ބިދޭސީ 3 މީހަކު ހައްޔަރު ކޮށްފައިވާއިރު އެގޭތެރެއިން ބަނގުރާކަމަށް ޝައްކުކުރެވޭ އެއްޗެއްހުރި ގިނަ ޢަދަދެއްގެ ހަންތަކެއް ފެނިފައިވާކަމަށެވެ.

މިގޮތުން 20 ލީޓަރުގެ 15 ހަމާއި 5 ލީޓަރުގެ 2 ހަމުގެ އިތުރުން 500 އެމް.އެލްގެ ދެ ފުޅިއެއްގެ އިތުރުން އެގޭތެރެއިން ބަނގުރާކެއްކުމަށް ބޭނުންކުރާ ސާމާނުތަކެއްވެސް ފެނިފައިވާ ކަމަށްވެސް ފުލުހުން ހާމަކުރެއެވެ.