ޤުރުއާނާބެހޭ މަރުކަޒުގެ 27 ވަނަ ޤުރުއާން މުބާރާތުގެ އިފްތިތާހުކުރުމުގެ ޖަލްސާގައި ޝައިޚް އިލްޔާސް ވާހަކަ ދައްކަވަނީ. ދިއިސްލާމް ފޮޓޯ: ޢިބްރާހިމް އަޝްވާޤު
ކީރިތި ޤުރުއާނުގެ ތަޢުލީމާއި ތަރުބިއްޔަތުގެ އަލިގައި ޤައުމަށް އަމާންކަން ހޯއްދުމަށް ފަލީލަތުއްޝައިޚް އިލްޔާސް ޙުސައިން ގޮވާލައްވައިފިއެވެ.
ޤުރުއާނާ ބެހޭ މަރުކަޒުގެ 27 ވަނަ ޤުރުއާން މުބާރާތް އިފްތިތާހުކޮށްދެއްވުމަށް ބޭއްވި ޖަލްސާގެ ޝަރަފުވެރި މެހެމާނެއްގެ ހައިސިއްޔަތުން ވާހަކަ ދައްކަވަމުން ޝައިޚް އިލްޔާސް ވިދާޅުވީ ކީރިތި ޤުރުއާނަކީ ހިތްތަކަށް އަމާންކަން ގެނެސްދޭ ފޮތެއްކަމަށާއި އެމާންކަން އަންނާނީ ޤުރުއާން ކިޔެވުމާއި އެކު އެއަށް ޢަމަލުކޮށްގެން ކަމަށެވެ.
ޝައިޚް އިލްޔާސް ވިދާޅުވީ ކީރިތި ޤުރުއާނަކީ އަޅުގަނޑުމެން ހިދާޔަތަކަށް އެދުމުން ﷲ އަޅުގަނޑުމެންނަށް ދެއްވި ފޮތެއްކަމަށް ވިދާޅުވެ ކީރިތި ޤުރުއާނުގެ އެންމެ ފުރަތަމަ ސޫރަތް ފާތީހާ ސޫރަތުން ދަލީލު ދެއްކެވިއެވެ.
ޝައިޚް އިލްޔާސް އިތުރަށް ވިދާޅުވީ ކީރިތި ޤުރުއާނަށް ޢަމަލު ނުކޮށްފިނަ އަޅުގަނޑުމެން ނިކަމެތިވެގެން ދާނެ ކަމަށާއި އެގޮތުން މިއަދު އިވޭ އަޑަކީ ތަޢުލީމު ހާސިލުކުރަމުންދާ ދަރިވަރުން ދަރިވަރުން މާއްދާ ތަކުން ފޭލުވާ ވަމުންދާ ވާހަކަކަމަށެވެ.
އިލްޔާސް އިތުރަށް ވިދާޅުވީ ކޮންމެ ދުވަހެއްގައިވެސް ކީރިތި ޤުރުއާނުން ކޮންމެވެސް ވަރެއް ހިތުދަސް ކުރަންޖެހޭނެކަމށާއި އޭގެ ސަބަބުން ހިތް އަލިވެ ދަސްކުރާ އެއްޗިހި ހިތައް ނަގައިގަންނަން ފަސޭހަ ވާނެ ކަމަށެވެ.
ކޮމެންޓް (0)
ލޯޑް ކުރަމުން...