އަމިއްލަ ދަރިފުޅު ގޮރިއްލާ ތަކެއްގެ ތެރެއަށް ދޫކޮށްލައިފި

އިނގިރޭސި ރައްޔިތަކު އޭނާެގެ ތިންއަހަރަށްދާ ކުޑަ އަންހެން ދަރިފުޅު ބޮޑެތި ގޮރިއްލާ ތަކެއްގެ ތެރެއަށް ދޫކޮށްލައި އެ މަންޒަރު ވީޑިޔޯ ކޮށްފި އެވެ.
މިކަން ކުރި މީހަކީ ގޮރިއްލާ ބަލަހައްޓާ އެތަކެއްޗަށް އެހީތެރިވާ ޖަމާޢަތެއްގެ ވެރިއެއްކަމަށް އެނގިފައި ވެއެވެ.
އޭނާގެ އަމިއްލަ ދަރިފުޅު ގޮރިއްލާ ތަކުގެ ތެރެއަށް ދޫކޮށްލައިގެން އެމަންޒަރު ތައްވީޑިޔޯ ކުރި ނަމަވެސް ސަރުކާރާއި ޢާއްމުންގެ ފަރާތުން ކުރިމަތި ވެދާނެފާޑު ކިޔުން ތަކަށްޓަކައި އޭނާ ވަނީ އޭނާގެ ދަރިފުޅު ބޮޑުވަންދެން މި ވިޑިޔޯ ޢާއްމު ނުކޮށް ބާއްވާފަ އެވެ. މި ޙާދިސާގައި ގޮރިއްލާ ކޮށީގެތެރެއަށް ދޫކޮށްލި ޢުމުރުން ތިން އަހަރުގެ ތުއްތު އަންހެން ކުއްޖާ ވަނީ އެއްވެސް ބިރެއް ޖެހިލުމެއް ނެތި ގޮރިއްލާ ތަކާއި އެކު ކުޅެ ސަކަރާތް ޖަހާ ހަދާފަ އެވެ.
މި ކުއްޖާގެ ޢުމުރުން މިހާރު ތޭވީސް އަހަރު ވެފައި ވާއިރު، އޭނާވެސް ވަނީ އޭނާގެ ބައްޕަގެ އެ ޢަމަލާއި މެދު ފަޚުރުވެރި ވާކަމަށް ބުނެފަ އެވެ. މި އަންހެން ކުއްޖާ ބުނެފައި ވަނީ ގޮރިއްލާ ތަކަކީ އޭނާގެ އާއިލާގެ ބައެއް ކަމަށާއި، އެތަކެތީގެ ތެރެއިން ނޭއްގާނި ކަމެއް މިހާތަނަށް ފާހަގަ ކުރެވިފައި ނުވާ ކަމަށެވެ.

މި ޚަބަރާއި ގުޅޭ ވީޑިޔޯ ބެއްލެވުމަށް މި ލިންކަށް ފިތާލައްވާ!